Скачать или смотреть PI

“મારું ઘર, મારું સ્વાભિમાન” આંદોલન અંતર્ગત પ્રસાદ મિલના પીડિતો સાથે મુલાકાત

તા. 29 ઓગસ્ટે “મારું ઘર, મારું સ્વાભિમાન” આંદોલન હેઠળ ધારાસભ્ય જીગ્નેશ મેવાણી, અમદાવાદ શહેર કોંગ્રેસ અધ્યક્ષ સોનલબેન પટેલ, કોંગ્રેસના એસસી સેલના ગુજરાત પ્રમુખ હિતેન્દ્ર પીઠડીયા, કમલેશ કટારીયા તેમજ “હમારી આવાજ” સંસ્થાના આગેવાનો કૌસરઅલી સૈયદ, કલીમ સિદ્દીકી તથા અનેક કાર્યકર્તાઓ પ્રસાદ મિલ વિસ્તારમાં પહોંચ્યા હતા.

આગેવાનોેે ડિમોલિશનથી બેઘર બનેલા પરિવારોની મુલાકાત લીધી, તેમનો દુઃખદર્દ સાંભળ્યો અને તેમને ન્યાય અપાવવા માટે સંકલ્પ વ્યક્ત કર્યો. મુલાકાત બાદ તમામ આગેવાનો પોલીસ કમિશનર શ્રી મલિક સાહેબ અને પોલીસ કંટ્રોલના ડીસીપીને કમિશનર ઓફિસ ખાતે મળી પીડિતોના પ્રશ્નો અંગે વિગતવાર રજૂઆત કરી.

આ પ્રસંગે ધારાસભ્ય જીગ્નેશ મેવાણીએ જણાવ્યું કે “પ્રસાદ મિલ વિસ્તારમાં કરાયેલ ડિમોલિશનની કાર્યવાહી સંપૂર્ણપણે ગેરકાનૂની હતી. નામદાર સુપ્રિમ કોર્ટના જજ ગવાઇ સાહેબના ચુકાદા અનુસાર કાનૂની પ્રક્રિયાનું પાલન ન થયું, પરંતુ તેનું ઉલ્લંઘન કરવામાં આવ્યું છે. આદેશમાં મકાન તોડવાનો ક્યાંય ઉલ્લેખ નહોતો. છતાં વિસ્તારના પી.આઈ. અને ભાડૂતી બાઉન્સરો દ્વારા મહિલાઓ તથા વૃદ્ધ માતાઓને 27 જુલાઈ રવિવારની વહેલી સવારે ઊંઘમાંથી ઉઠાડી બળજબરીથી ઘરોમાંથી બહાર કાઢવામાં આવ્યા અને મકાનો તોડી પાડવામાં આવ્યા. આ ઘટના અમાનવીય અને અતિ ગેરવ્યાજબી છે.”

આંદોલનના આગેવાનો દ્વારા પોલીસ કમિશનર તથા ડીસીપીને સ્પષ્ટ રજૂઆત કરવામાં આવી કે તાત્કાલિક જ્યાં ગેરકાનૂની ડિમોલિશનની કાર્યવાહી થઈ છે ત્યાં ભાડૂતી બાઉન્સરોને ત્યાંથી હટાવવામાં આવે અને પીડિત પરિવારોને તેમના તોડી પાડવામાં આવેલા મકાનમાંથી સામાન કાઢવા દેવામાં આવે અને વિકલ્પરૂપ રહેવાની વ્યવસ્થા પૂરું પાડ્યા પછી જગ્યા ખાલી કરાવવામાં આવે.

શહેર કોંગ્રેસ તથા “હમારી આવાજ” સંસ્થાના આગેવાનો દ્વારા સંદેશ આપવામાં આવ્યો કે ગરીબોના જીવન–મરણના પ્રશ્ન પર કોંગ્રેસ પાર્ટી તથા સમાજના નાગરિકો એકજૂટ રહીને લડત ચાલુ રાખશે.

AMC DEMOLITION
Gujarat Police
Ahmedabad police
Ahmedabad Municipal Corporation demolition
Commissioner office Ahmedabad
commissioner of police Ahmedabad
Jignesh mevani
Raikhad
krantimarg news
vimitkumar

#amcdemolition
#jigneshmevani
#krantimarg
#ahmedabad
#gujaratpolice
#ahmedabadpolice