पनघट के पद,स्नानयात्रा से रथयात्रा तक आषाढ़ मास, अनुसार,Panghat Ke Pad ,Ashadh Month Dr Bhagwan das

पनघट के पद
स्नानयात्रा से रथयात्रा तक, आषाढ़ मास
पुष्टिमार्गीय कीर्तन प्रणालिका अनुसार

1.गोकुल की पनिहारी (राग बिलावल)
2.हों पनियां न जैहों (राग बिलावल)
3.नैंक लाल टेकौ मेरी बहियाँ (राग सारंग)
4.ललन उठाय देहौ मेरी गगरी (राग सारंग)
5.जल कों गई सुघट नेह भर लाई (राग अड़ानौ)

1- गोकुलकी पनिहारी पनियां भरन चाली बडेबडे नयना तामे शोभ रह्यौ कजरा ॥
पहिरें कसुंभी सारी अंग अंग छबिभारी गोरी गोरी बहियनमें मोतिन के गजरा
सखी संग लिये जात हँसहँस बूझत बात तनहूंकी सुधि भूली सीस धरें गगरा ॥
नंददास बलहारी बीच मिले गिरिधारी नयनकी सैनन में भूल गई डगरा ।

2- हों पनिया न जैहों मेरी मटुकी झटककर पटकी । अचानक आन गही हों सांवरे मेरे संग की सब सटकी।
काल्हि दुपहर गई हों कुंज में कोजाने या घट की ॥ प्रभुकल्याण गिरिधरकी माधुरी सो मेरे नयन अटकी।

3- नेक लाल टेको मेरी बहियां
औघट घाट चढ्यौ नहिं जाई रपटत हों कालिंदी महियां।
सुंदरस्याम कमलदल लोचन देख स्वरूप ग्वाल उरुझानी ॥ उपजी प्रीति काम उर अंतर तव नागर नागरी पहिचानी ॥हँस व्रजनाथ गह्यौ कर पल्लव जैसें गगरी गिरन न पावें ॥ परमानंद ग्वालिनी सियानी कमलनयन कर परस्यौ भावे।

4- ललन उठाय देहो मेरी गगरी ॥
बलबल जाऊं छबीले ढोटा ठाढे देत अचगरी
यमुनातीर अकेली ठाढी दूसरौ नाहिन कोऊ ॥
जासों अब कहों स्यामघन सुंदर संग बनाहि न सोऊ नंदकुमार कहें नेंक ठाढी रहि कछुक बात कर लीजै ॥ परमानंदप्रभु संग मिले चल बातन के रस भीजै


5- जलकों गई सुघट नेह भर लाई परी है चटपटी दरश की इत मोहनगास उत गुरुजन त्रास चित्र लिखी ठाड़ी नाम धरत सखी परसकी ॥१॥
टूटे हार फाटे चीर नयनन बहत नीर पनघट भई भीर सुधि न कलशकी ॥
नंददास प्रभुसों ऐसी प्रीति गाढी बाढी फैल परी चायन सरस की

डॉ भगवान दास कीर्तनकार, कामवन
(अष्टछाप के श्रीगोविंदस्वामीजी के वंशज)
ડૉ ભગવાન દાસ કીર્તનકાર, કામવન
(અષ્ટછાપ કે શ્રીગોવિંદસ્વામીજી કે વંશજ)
सम्पर्क 9828737151

#keertan
#ushnakal
#bhagwan_das_keertankar
#panghat_ke_pad
#aashadh
#snanyatra
#rathyatra
#nitya_seva
#panghatkekeertan
#sarang
#hawelisangeet
#pratkalkepad
#pratkal
#vallabh
#bilaval
#pushtimarg
#pushtimargkeertan
#pushtikirtan
#keertan
#panghat
#rajbhogkepad
#mahaprabhu
#kirtan
#havelisangeet
#pushtimarg_pad
#srigokulenduprabhu
#keertanbhajan
#keertankeertan
#keertanvideo
#keertansong
#sarang
#keertanpranalika
#nityasevakeertan