Скачать или смотреть İrandan qida məhsullarının ixracına qadağa | Ekspertlər nələri açıqladı? - Baku TV

İrandan qida məhsullarının ixracına qadağa | Ekspertlər nələri açıqladı? - Baku TV

İran hökuməti bütün qida və kənd təsərrüfatı məhsullarının ixracının dayandırılması ilə bağlı qərar qəbul edib.
İran mediasının yaydığı məlumata görə, əhalinin əsas, zəruri və həyati əhəmiyyətli mallarla təmin edilməsinə üstünlük verməsi ilə əlaqədar sözügedən məhsulların ixracı növbəti qərara qədər qadağandır.
Qeyd edək ki, İran Azərbaycanın ən çox idxal həyata keçirdiyi ölkələrin ilk onluğuna daxildir. Sözügedən ölkədən gətirilən məhsulların arasında qida və kənd təsərrüfatı məhsulları da var.
Maraqlıdır, İranın ixraca qoyduğu qadağanın ölkələrə, o cümlədən Azərbaycana təsiri ola bilərmi?
İqtisadçı Xalid Kərimli bildirib ki, İran üzərindən gələn idxal Azərbaycan üçün qiymət baxımından ən əlverişli variant idi: “Çünki məsafə qısa olduğundan daşınma xərcləri daha az olur. Həmçinin İran məhsulları sanksiyalar səbəbindən daha ucuz qiymətə əldə edilirdi. Bu məhsullar ölkə daxilində qiymətlərin stabilləşməsinə də kömək edirdi. Nəticə etibarilə, İran məhsulları daha əlverişli və ucuz şərtlərlə bazara təqdim olunurdu. Lakin məhdudiyyətlər tətbiq edildikdə bu, qiymət artımına səbəb ola bilər”.
Ekspertlər İranda baş verənlərin təsirinin sözügedən qadağa ilə yekunlaşmayacağı qənaətindədirlər. Belə ki, İranın tranzit imkanlarının məhdudlaşması beynəlxalq daşımalarda başqa istiqamətlərə marşrutlar axtarmaq zərurəti yaradır. Bu mənada Azərbaycanın bir sıra istiqamətlərdə ticarətinin İran üzərindən aparıldığını nəzərə alanda proses ölkəmiz üçün də aktuallaşır. Bu da qiymətlərə təsir edə bilər.

Bizi WhatsApp-da izləyin https://whatsapp.com/channel/0029VaAm...

https://t.me/bakutvxeber
https://x.com/bakutvofficial
  / baku.tv  
https://www.baku.tv

İrandan qida məhsullarının ixracına qadağa | Ekspertlər nələri açıqladı? - Baku TV

2026 © All Rights Reserved ℗ "Baku TV" LLC ™


#bakutv #bakutvxəbər #iran #qidaixracı #qadağa #iqtisadiyyat

baku tv,baku tv xəbər, aktual xəbər, Azərbaycan xəbərləri, xəbər, baku tv canlı, gündəm, son dəqiqə, xəbər, Azərbaycanda son xəbərlər, Azərbaycan