عبد القيوم الشريف - المشاعر فوق كل شيء

اغاني طمبور
عبد القيوم الشريف
كلمات .... حاتم حسن الدابي
ﺍﻟﻤﺸﺎﻋﺮ ﻓﻮﻕ ﻛﻞ شي ﻟﻠﻐﺮﻭﺭ ﺃﻭﻋﻪ ﺗﻄﺎﻭﻋﺎ
ﺷﻮﻓﺎ ﻳﺎﻳﺎﺳﺮ ﻭﺍﻗﻨﻌﻪ
ﺃﺭﺿﻰ ﺑﺎﻟﻘﺴﻤﺔ ﺇﻥ ﻣﺎﺭﺿﻴﺖ ﺑﺎﻟﻘﺼﺐ ﻳﺎﻛﺎ ﺍﻟﺪﺍﺭﻋﻪ
ﻣﺎﺑﺘﻔﻮﺕ ﺍﻟﻤﻜﺘﻮﺑﺔ ﻟﻴﻚ ﻟﻴﻬﺎ ﺇﺳﺘﺴﻠﻢ ﻃﺎﻭﻋﻪ
ﺃﻧﺖ ﺩﻭﻥ ﺍﻟﻨﺎﺱ ﻳﺎ ﺍﻣﻴﺮ ﻗﺪﻭﺓ ﺫﻭ ﺍﺧﻼﻕ ﻭﺍﺳﻌﺔ
ﺃﺳﻄﻮﺍﻧﺔ ﺍﻟﺘﻌﻠﻴﻢ ﺑﻘﺖ ﺇﻓﺘﺮﺍﺀ ﻭﺑﻬﺘﺎﻥ ﻭﺇﺩﻋﻪ
ﺯﻫﺮﺓ ﺇﺧﺘﺮﺗﻬﺎ ﺑﻴﻦ ﺯﻫﻮﺭ ﻓﺮﻫﺪﺕ ﻧﺎﻳﺮﺓ ﻣﺰﺍﺭﻋﺔ
ﺷﺎﻓﺖ ﺍﻟﻤﺴﺘﻘﺒﻞ ﺟﻤﻴﻞ ﺧﻠﻬﺎ ﺍﻟﺘﺮﺿﻰ ﻣﻄﺎﻣﻌﻪ
ﻳﺎﺣﻨﻴﻦ ﺗﺼﺒﺢ ﻣﺜﺎﻝ ﺿﻤﻦ ﺃﻣﺜﺎﻟﻨﺎ ﺍﻟﺮﺍﺋﻌﺔ
ﺫﻯ ﺷﺪﺭﺓ ﺍﻟﻤﺤﻠﺐ ﻫﻮﺕ ﻭﻋﻄﺮﺕ ﻓﺎﺱ ﺍﻟﻘﺎﻃﻌﺔ
ﻣﺎﺑﺘﻤﻮﺕ ﺍﻟﺮﻳﺪﺓ ﺇﻥ ﺑﻘﺖ ﻣﻦ ﺻﻤﻴﻢ ﻭﺟﺪﺍﻥ ﻧﺎﺑﻌﺔ
ﻻﺑﻴﻐﻴﺮﺍ ﺣﻘﺪ ﺍﻟﺤﺴﻮﺩ ﻻ ﺍﻟﺰﻣﻦ ﻳﺴﻠﺒﺎ ﻃﺎﺑﻌﻪ
ﻳﺎﻣﺎ ﻧﺎﺱ ﺍﺷﺒﺎﻩ ﺍﻟﺒﺸﺮ ﻓﻰ ﺍﻟﻮﺟﻮﻩ ﻧﺎﻳﺮﻯ ﻣﻄﺎﻟﻌﻪ
ﺗﺒﻬﺮ ﺍﻟﺒﻴﺸﻮﻓﺎ ﻭﺗﻜﻮﻥ ﻓﻰ ﻗﻠﻮﺑﺎ ﺫﺋﺎﺏ ﺟﺎﻳﻌﻪ
ﺍﻟﺨﻠﻖ ﻭﺍﻟﺪﻳﻦ ﻭﻛﻞ ﺷﻰ ﻓﻰ ﺍﻟﺰﻣﻦ ﺩﻩ ﺑﻘﺖ ﺷﺎﻳﻌﻪ
ﻳﻌﻨﻰ ﺇﻳﻪ ﺍﻟﻮﺍﺣﺪﻯ ﺇﻥ ﻗﺮﺕ ﻭﻛﻤﻠﺖ ﻋﺸﺮﻳﻦ ﺟﺎﻣﻌﻪ
ﻗﻴﺲ ﻭﺭﻯ ﻟﻴﻠﺘﻮ ﻫﺎﻡ ﺳﺮﺡ ﻭﺩﺭﺕ ﻋﻘﻠﻮ ﻣﺮﺍﺗﻌﻪ
ﺑﺎﻟﺴﻬﻞ ﻭﺍﻟﻮﺩﻳﺎﻥ ﻳﺪﻭﺡ ﻟﻤﺎ ﻣﺎﺕ ﺳﻜﺮﺍﻥ ﻣﺎﻭﻋﻪ
ﻋﺒﻠﻪ ﺑﻰ ﺭﻳﺪ ﻋﻨﺘﺮ ﺯﻣﺎﻥ ﻟﻴﻞ ﻧﻬﺎﺭ ﺳﺎﻳﻠﻰ ﻣﺪﺍﻣﻌﻪ
ﻓﺎﺭﻕ ﺍﻟﺤﻴﺎﺓ ﻇﻤﺌﺂﻥ ﻭﺻﺐ ﻣﺎﻗﺪﺭ ﺣﺘﻰ ﻳﻮﺍﺩﻋﻪ
ﻣﺎﺑﺘﺸﻮﻑ ﻭﺩ ﻋﺒﺪ ﺍﻟﺤﻤﻴﺪ ﺭﻭﺣﻮ ﻟﻠﻤﺤﺒﻮﺏ ﺩﺍﻓﻌﻪ
ﻣﺮﻗﻮ ﺫﻯ ﺷﻌﺮﻩ ﻣﻦ ﺍﻟﻌﺠﻴﻦ ﻟﻠﻜﺮﻳﻢ ﺷﻜﻮﺗﻮ ﺭﺍﻓﻌﻪ
ﻗﻮﻟﻰ ﻳﺎﺗﻮ ﺍﻟﻤﺎ ﺣﻄﻤﻮ ﻭﻫﺪﻣﺖ ﺃﻣﻠﻮ ﺍﻟﻴﺎﻧﻌﻪ
ﻭﻛﺎﻥ ﻋﻘﺎﺑﻮ ﺍﻟﺬﻛﺮ ﺍﻟﺤﻜﻴﻢ ﻭﻧﺼﻮ ﻓﻰ ﺁﺧﺮ ﺍﻟقارعة