عبد القيوم الشريف - دلوني الطريق قايدني بيكم مشورة

اغاني طمبور
عبد القيوم الشريف
كلمات ... حاتم حسن الدابي
يا خلا دلوني الطريق قايدني بيكم مشورة
عاشق يهد ليل فوق نهار أسعد عيون أسهرة
زولاً متيم من زمان كم شاب طالب المشترى
لكنو ماعرف الوصول واقدامة ثابتات في الترى
تابع دريب زولا حنين في دربو كم ساسك جرى
وغلبو اصطياد قمريتو حد مادودرى
الله على زولاً هلك في عتبة قدامو ووراه
يتباكو كل ماذكروا مدرسة ولا قالو مذاكرة
انت الأماني الفي القليب آمنا بيك يا جوهرة
لمتين رجوعك للقرير صبحت بلاك مكدرة
انا زولي ضاوي وجيهو زي القمرة نايري مدورة
والعود نداوتو الخيدران والقامة زي المسطرة
خلقي وعيونو مكحلات يوم بي كحل ماجرجرة
مافيش شبيهو بلا المحيط في كل مداها ومحورة
حزمة سبيب للعاشقين مردوم مدفق بي ورة
أما الشفاه لهجن عسل كلمات يقطر سكرة
أما القوام قايم يداب موجو زي نهر أدبرة
بشتني خلى الناس تقول مجنون دا قبالو وبرة