廟街神父開點心店社區食堂！讓更生人士主理　助釋囚「獄火重生」 ！「無案底無坐過監唔請」｜

#TVBPlus #美食新聞報道 ｜廟街神父開點心店社區食堂！讓更生人士主理　助釋囚「獄火重生」 ！「無案底無坐過監唔請」

神父餐廳營運的理念，是希望可以讓釋囚人士有機會工作，「應該要畀機會，其實有能力做到工嘅人，唔應該因為一啲過去或咩事，影響到佢受僱嘅機會。」

餐廳員工阿樑在接受訪問時指自己負責做廚房，「嚟工作前曾經入過戒毒村，食安眠藥，令自己沉迷咗，喺到做嘢開心，有啲同事大家可以互相守望，有傾有講。如果我無遇上神父，我估我相信揾到工作都有困難，其實工作係其次，愛心囉，你出嚟打一份工，好多人都會畀份工作，但佢唔止畀工作，仲有愛心。」

另一名餐廳員工Billy指自己曾因毒品案而被判入戒毒所，現時正在餐廳擔任洗碗工作，「之前試過去揾工，但因為有刑事記錄好多都唔會，試過被人用有色眼鏡睇，好感謝神父畀我喺到工作，好開心，有免費住宿。」

當被問到為何要選擇服務廟街時，胡頌恆神父回答：「喺廟街住咗15年，呢個地方有好多人需要幫助，例如更生人士、戒毒人士、難民、露宿者等。」他又指：「我無計劃去其他地方，上主安排，暫時呢到好開心，每逢星期二、五去監獄，其他日子喺呢到幫手，有時去附近堂區幫手，我嘅生活好開心，我以香港為我屋企，只有一個地方我想去，就係天國。」

慈悲香港食堂
佐敦廟街191號

#佐敦美食 #廟街 #點心 #美食新聞報導
------------------------------------------------------
記得Follow 埋TVB Plus嘅social media❤️:
  / tvbplus.official  
  / tvbplus