Скачать или смотреть Shije Shtëpie - Qofte furre me qepë nga Znj. Vjollca - Tv Klan

#ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj.

300-400 gr mish të grirë

1 qepë mesatare

1 fetë bukë (të zbutur në qumësht)

Kripë + piper të zi

1 lugë çaj kumin

Miell për lyerjen e qofteve

Vaj për skuqje 5-6 lugë gjelle

Për salcën:

5 kokrra qepë mesatare

4-5 thelpinj hudhra

2 lugë gjelle uthull

3 kokrra domate (mesatare) ose 1 lugë gjelle salcë

Kripë + piper të zi + dafinë

2 lugë gjelle majdanoz

Vendosim të gjithë përbërësit e qoftes në një tas. Punojmë brumin, formojmë qoftet në madhësinë që preferoni dhe pasi t’i keni pudrosur me miell i vendosim në tigan me vaj të nxehtë për t’i skuqur sa të zverdhen pak. Largojmë qoftet në atë yndyrë shtojmë pak vaj dhe kaurdisim qepën në fije. E mbulojmë me kapak në temperaturë të ulët me qëllim që qepa të zbutet.

Shtojmë domatet e grira ose 1 lugë gjelle salcë, kripë + piper, dafinë + 50 ml ujë dhe e lëmë pak të ziejë me kapak. Kur ta largojmë nga zjarri shtojmë hudhrat e shtypura me 2 lugë gjelle uthull. Vendosim qoftet në tavë dhe e mbulojmë me salcën me qepë. I lëmë derisa qepa të mos ketë më lëng por të qëndrojnë në yndyrën e vet në temperaturën 180 gradë për 25 min. Mund t’i shërbeni me makarona ose perime të pjekura.

SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/ #Receta#ZonjaVjollca#KaterinaTrungu