Öd daşı nə vaxt əməliyyat edilməlidir?

Dr. Elşən Qədimov
Facebook:   / dr.elshan83  
İnstaqram: dr.elshan.qedimov
Tel: 050 458 66 57

Öd kisəsi əməliyyatı nə cür edilir?
Öd kisəsi əməliyyatı qızıl standart qəbul edilən laparaskopik yəni qapalı yolla icra olunan bir əməliyyatdır. Öd kisəsi əməliyyatı ümumi anesteziya altında xəstə yatdıqdan sonra icra edilir. Əməliyyat 4 ədəd kiçik kəsiklərdən girilərək icra olunur. Göbəkdəki 10 mm lik bir kəsikdən qarın boşluğuna girilərək qarın boşluğuna qaz vurulur kamera ilə girilib öd kisəsi qaraciyər və ətraf orqanlar nəzərdən keçirilir. Bir problem olmazsa əlavə olaraq 3 əlavə dəlikdən xüsusi alətlərlə girilərək öd kisəsi tutulur , onun boyun nahiyyəsində elementləri olan arteriyası və axacağı sərbəstləşdirilir bağlanaraq kəsilir. Qaraciyərdəki yatağıdan soyulduqdan sonra göbəkdəki kəsikdən xaric edilir, kəsiklərə kosmetik tikiş qoyulmaqla əməliyyat sona çatdırılır.

Öd kisəsi əməliyyatından əvvəl hansı hazırlıqlar aparılmalıdır?
Əməliyyatdan öncə digər əməliyyatlarda olduğu kimi müayinə paketindən xəstə keçirilməlidir. Müayinəyə aiddir ( qan analizi, EKQ, EXO kardioqramma, Döş qəfəsinin R-skkopiyası və s ). Müayinələrdən sonra anestezioloqun baxışı keçirilir. Əməliyyat üçün ekstra bir ciddi problem yoxdursa əməliyyatın aparılması üçün razılıq verilir. Əgər xəstə qan durulducu ( məs: aspirin ) içirsə ən azı 1 həftə öncədən bu tip dərman preparatlarının qəbulunu saxlamalıdır. Əməliyyatdan öncəsi gün axşam saat 18:00 dan sonra qida qəbul etməmək və axşam 22:00 dən sonra maye qəbul etməmək, əməliyyat günü tam ac qarına gəlmək lazımdır. Təzyiq xəstəliyi olan pasientlər səhər az miqdarda su ilə təzyiq dərmanın içə bilərlər.