Əli Nasir | QİLƏVO

Qiləvo
Qiləvo, ay qiləvo boy-boy-boy,
Nənə lay-lay qiləvo boy-boy-boy.

Xəbəmon ni vətəni marzi çəton vətəniku,
Pukə ım yarə sutəy tovneydə yarəm coniku.
Bıqon avon dərəmon çı Tolışi osmoniku,
Bıjən ovan şulisə tı Tolışi veyzə, Ləvo

Qiləvo, ay qiləvo boy-boy-boy,
Nənə lay-lay qiləvo boy-boy-boy.

Biyə Şandermani, Rizvanşəhəri barzə sədo,
Niye çı Ostoro, çı Nəmini, çı Həşpəri to.
Bıkə Masulə, Masali, Fuməni tı xəbədo,
Qilavo, vazilə vo ay vətəni xoşqilavo.

Qiləvo, ay qiləvo boy-boy-boy,
Nənə lay-lay qiləvo boy-boy-boy.

Qıneydə Xəzri piyo əv pozi vardə ujənən,
Tolışi orzu doon zizon ekardə ujənən.
Vətəni osmoni avon siyo kardə ujənən,
Tı nıvoş Xəzri bəka bo Tolışi vay, Qilavo

Qiləvo, ay qiləvo boy-boy-boy,
Nənə lay-lay qiləvo boy-boy-boy.

Sədo kardəm tıni,mandəm bəsə bandon, qilavo,
Tıniş ın yurdi qemij ğandə vılon dardi dəvo.
Bıjən ujnən bəməno çı Tolışi i be həvo,
Tosə i be vətəni by mədə tı fasilə vo.

Qiləvo, ay qiləvo boy-boy-boy,
Nənə lay-lay qiləvo boy-boy-boy.

Əli Nasir

#əlinasir #giləvo #qiləvo #تالش