Скачать или смотреть Dhamma sermons in Pali - 507, පූජ්‍ය නෙළුවේ විමලශාන්ත ස්වාමින්ද්‍රයාණන් වහන්සේ Ven. Neluwe Wimalasha

"බුද්ධ ජයන්ති ත්‍රිපිටක ග්‍රන්ථ මාලාවේ අභිධර්ම පිටකයට අයත් සුපිරිසිදු බුදු වදන් පාළි භාෂාවෙන්"... 01 (Dhamma sermons in Pali - 507

*** (Abhidhamma pitaka, Dhammasanghaniprakarana, Thikamathika, Kusala Dhamma 1. 989, 1383*)

අභිධර්ම පිටකයට අයත් සූත්‍ර දේශනා බොහෝ දෙනාගේ හිත සුව පිණිස පටිගත කර දෙන ලෙස අපගේ කළ්‍යාණ මිත්‍රයාණන් වහන්සේ, අවසරයි, පූජ්‍ය නෙළුවේ විමලශාන්ත ස්වාමින්ද්‍රයාණන් වහන්සේ වෙත අප විසින් කරන ලද නමස්කාර පූර්වක ආරාධනය මෙත් සිතින් පිළිගෙන ඉතාමත් බුද්ධාලම්භන ප්‍රීතියෙන් යුතුව පටිගත කර එවන ලද පළමු හඬ පට දෙක එකක් ලෙස සංස්කරණය කර අද, 2023 ඇසළ මස පුර පසළොස්වක පොහෝ දින, 03 වැනි සඳුදා මෙසේ ඔබ වෙත තිළිණ කෙරෙන අතර, මේ අපගේ පින්වත් ස්වාමීන් වහන්සේ විසින් ඉදිරිපත් කෙරෙන අභිධර්ම පිටකයට අයත් පළමුවැනි සූත්‍ර දේශනා වීඩියෝ හඬපටය වන අතර පාලි භාෂාවෙන් කෙරෙන පන්සිය හත්වැන්න වේ.

තුන්ලෝකාග්‍රවූ, භාග්‍යවත් වූ, අර්හත් වූ, දස බලධාරී, සුගත තථාගත සම්මා සම්බුදු රජාණන් වහන්සේ විසින් දේශනා කොට වදාළ, උතුම් ධර්මස්කන්ධයන් අතුරින් ග්‍රන්ථ හතකින් යුත් අභිධර්ම පිටකයේ, පළමුවැනි පොත් වහන්සේගේ, ධම්මසඞ්ගණීප්‍රකරණයේ, "තිකමාතිකා" යටතේ, චිත්‌තොත්පාදකාණ්‌ඩයේ අන්තර්ගත කාමාවචර අට්ඨාමහාචිත්තයන් අතුරින්, ප්‍රථමචිත්තයට ඇතුළත් "කුසල ධර්මයන්" පිළිබඳ උතුම් ගාථා රත්නයන් මනාව විග්‍රහ කරමින් පවත්වන ලද මේ උතුම් ධර්මානුශාසනාව අසා ඒ අනුව සිත් මෙහෙයවමින් මෙලොවින් පරළොවට ගෙනයන මිණිමුතු රැස්කරගන්නට ධර්මයට සමීප (උපාසක) ඔබ අප්‍රමාදී වේවා!!!

අපගේ වන්දනීය දේශකයාණන් වහන්සේටත්, පින් කැමති සියළුදෙනාටත් මේ උතුම් ධර්ම දානමය පින් අත්වේවා!!!

එසේම අපගේ මව්පියන්, සහෝදර සහෝදරියන්, ඤාති මිත්‍රාදීන්ටද, අනන්ත සසර පටන් මේ මොහොත දක්වා අප නමින් මිය පරලොව ගියා වූ සියළුම ඥාති-මිත්‍රාදීන්ද, ගුරු-දෙගුරුන්ද මේ පින් අනුමෝදම් වෙත්වා!!!

යමෙකු දුගතියක වෙත් නම් මෙ පින් බෙලෙන් සුගතිගාමී වෙත්වා!!! සුගතියක වෙත්නම් එහිදීම උතුම් වූ ධර්මාවබෝධය වේවා!!!

අවසන් වශයෙන්, ඔබ අප සියළු දෙනාටම මේ උතුම් ගෞතම ශ්‍රී සම්බුද්ධ ශාසනයේදීම සසර කතරින් එතෙරවීමට තෙරුවන්ගේ ආශීර්වාදයෙන් හැකියාව ලැබේවා!!!

බුදුන් සරණ හැර අන් සරණක් නැත මා හට,
දහම් සරණ හැර අන් සරණක් නැත මා හට,
සඟුන් සරණ හැර අන් සරණක් නැත මා හට,
මෙතුන් සරණ හැර අන් සරණක් නැත මා හට.
සාදු! සාදු!! සාදු!!!

"දස බල බුදුරජාණන් වහන්සේ නම් මහා පර්වතය මුදුනින් හටගත් අමා මහ නිවන නම් මහා සයුර කෙළවර කොට ඇති ආර්ය අෂ්ඨාංගික මාර්ගය නම් සිසිල් දිය පිරුණු ඒ උතුම් තථාගත බුද්ධ වචනය නම් වූ මහා ගංගාව අපමණ සත්ත්වයාගේ අනන්ත සසර දුක් ගිනි නිවාලමින් තව බොහෝ කල් ගලා බසීවා!!!

(වසර විසිපහක් පුරා භාග්‍යවතුන් වහන්සේට ඇප උපස්ථාන කරමින් කටයුතු කළ අග්‍ර උපස්ථායක, ධර්ම භාණ්ඩාගාරික ආනන්ද මහ රහතන් වහන්සේ විසින් කරන ලද අධිෂ්ඨානයකි.)

අපගේද පරම පැතුම එයයි. එය එසේම වේවා!!! සාදු! සාදු!! සාදු!!!

*** විශේෂ දැනුම්දීමයි... සුගත තථාගත ශ්‍රී සද්ධර්මයට ලැදි ඔබ සැමගේ පහසුව තකා, ඔබගේ දැහැමි සිතුවිලි බෙදාහදා ගැනීම සඳහාම වෙන්වූ මුහුණුපොතේ පිටුවක්ද නිර්මාණය කළෙමි.
https://www.facebook.com/sunathadharetha.c...

෴ ජයවීරගේ සමන්ත ෴  රුසියාවේ සිට ෴

෴ අහමස්මි ජයවීරගෙ සමන්තො නාම ෴  ෴ රුසියාදෙසෙ ෴