Скачать или смотреть Śrīmad-Bhāgavatam (Bhāgavata Purāṇa) || 3.20.3 || by HG Baldev Prabhu || 19.02.2026 Thursday

3.20.3
ద్వైపాయనాదనవరో మహిత్వే తస్య దేహజః |
సర్వాత్మనా శ్రితః కృష్ణం తత్పరాంశ్చాప్యనువ్రతః ||

ద్వైపాయనాత్—వ్యాసదేవుని నుండి; అనపరః-ఏ విధముగను తీసిపోడు; మహిత్వే—గొప్పతనమున; తస్య అతని (వ్యాసుని); దేహజ: అతని దేహము నుండి జన్మించిన; సర్వాత్మనా హృదయపూర్వకముగా; శ్రితః—ఆశ్రయించెను; కృష్ణం శ్రీకృష్ణుని; తత్పరాన్ ఆతని యెడ అనురక్తులైనవారిని; చ-మరియు; అపి—కూడా; అనుప్రతః—అనుసరించెను.

వేదవ్యాసుని దేహము నుండి జన్మించిన విదురుడు అతనికి ఏమాత్రము తీసిపోడు. ఆవిధముగా అతడు హృదయపూర్వకముగా శ్రీకృష్ణభగవానుని పాదపద్మములను ఆశ్రయించి, ఆ దేవదేవుని భక్తుల యెడ అనురక్తుడయ్యెను.

భాష్యము : విదురుని చరిత్ర యేమనగా అతడొక శూద్రురాలికి జన్మించియుండెను. కాని జన్మనొసగిన తండ్రి వ్యాసదేవుడు కనుక అతనికి విదురుడు ఏమాత్రము తీసిపోలేదు. నారాయణుని అవతారమును, సమస్త వేదవాఙ్మయమును రచించినవాడును అగు గొప్ప జనకుని వలన జన్మించినందున విదురుడును గొప్ప వ్యక్తి అయ్యెను. అతడు శ్రీకృష్ణ భగవానునే ఆరాధ్యదైవముగా ఆశ్రయించి, ఆతని ఉపదేశములను హృదయ పూర్వకముగా అనుసరించెను.