Kong Khasi in Jainsem Wandering in the Evergreen Park |Mawpdang

#shillong #meghalaya #newshillong #nift #iimshillong #neigrihms #shillongbyepass
Ym da jngai na sor Shillong ngi leit sha ka thain mawdiangdiang, kaba ngi tip mynta kum ka New Shillong shaduh Mawpdang ban wad ia kawei ka park kaba ki khot ka Evergreen Park. (Not far from Shillong city, we drive towards mawdiangdiang, now known as New Shillong till Mawpdang to find one beautiful park called Evergreen Park.)
Mar ia lait na ka iew Tynring, ka jingitynnat ki jaka kiba dap da ki diengkseh kiba jyrngam ryngkat ka jing jar jar namar ym pat don bun ki iing jong ki briew.
Ngi bud ter ter ia ka surok rong kaba jlih kaba mih sha Shillong bye pass lyngba ka shnong Diengpasoh.
Katno katne por ba ngi la shong kali, ngi poi ha ka shnong mawpdang kaba long kaba jaka iew rit.(After a few minutes of travelling in the vehicle, we reached in Mawpdang village where there is a small market.)
Ngi iehnoh ia ka surok kaba iaid beit kaba leit sha diengpasoh. Ngi khun sa ka diang ban poi sha jaka ba ngi thmu ban leit.(Then, we left the road which goes straight to Diengpasoh village. We turned to the left to reach to the destination.)
Tang khyndiat minit hadien ba ngi la iaid ia ka surok ba sohkhruh sohkhram bad khim, ngi poi tiap ha ka jaka kaba don ka Ever Green Park.
Nabar jong ka gate ngi ithuh ba ka long ka Park ka ba heh bha. (From outside the gate we could see the vastness of the park.)
Ngi pynieng ia ka kali ha ka jaka ba ki la buh bad ngi siew sanphew tyngka marwei ban rung sha kane ka park.
Ynda ngi la rung shapoh jong kane ka park ngi iohi tang ki jingjyrngam suda sawdong jong ka
Ngi shong jah thait shipor ha kine ki shuki kaba ki la buh ban shong jah thait ki nongwan kai.
Katno ka long ka jingpyngngad ban shongkai ha kane ka park.
Peit ine i iing phlang ban shong pyngngad haba shit kyrang ka sngi.
Nangta, ngi iaidkai ha kane ka jaka hapdeng ki phlang ba jyrngam, ki diengkseh bad ki jait dieng ba laiphew jait kiba ker sawdong, bad ki syntiew ki skud ba phuh ha kane ka park.
Hapdeng ka jingithiang ki sawdong sawkun jong kane ka park ngim ngiah shuh ban iaid kai sawdong jong ka wat la bun kynta ruh.
Ngi shem ia ka jingtngen ka mynsiem haba ngi ioh ban iaidkai kumne sha kum kane ka jaka.
Kumba long ka ka jingitynnat mariang ha kane ka jaka, mangi ruh ngi dap da ka jingphuh samrkhie suda. Shipor ngi la klet ia ki jingsngewsih ha ka jingim jong ngi.
Dei hangne ba ki ong ba ka mariang kaba itynnat ka pyntngen bad pynpalei ia ka mynsiem jong ngi ki briew.
Kum ki khynnah rit ngi kiew halor ka jingsyntuid ban shondur bad shong syntuid kai.
Ngi shong sohpadoi ban pyn pyngngad ia ka jabieng jong ngi ryngkat ka jingsngew thamula kum ki khynnah.
Nangta, ngi hiar kham sharum. Ngi ioh sngew ia ka jingsawa jong ka kshaid kaba don ha trai kane ka park kaba la ker sawdong da ki dieng kseh ba jyrngam.
Khlem sngew lah ap shuh ngi hiar ia ki mawkyndon ban leit jngoh kai ia ka kshaid bad ka pung kaba ngi iohi najrong.
Ngi hiar sha rum khlem jingthait ne jingwit haba hiar sha trai, wat la ngi phong da ka jainsem bad ki juti jrong ruh.
Katba nang hiar sha jan jong ka pung bad ka kshaid katta ngi nang sngewtynnat bad itynnat iaka jaka.
Ngi hiar ia kitei ki sha ring shaduh kine ki them ban peit kai najan ia ka jingitynnat ba la shna itynnat ha kane ka park.
Ngi poi tiap ha kane ka jaka hadien ba ngi la hiar ia ki mawkyndon bad ka lynti kaba jrong bad ranab.
Shipor ngi ieng kai ha kane ka jingkieng ba la shna itynnat ban peit ia ka kshaid bad kane ka pung.
Hynrei ka um hangne ka long kaba jngut bad i kum ka um ktieh. Imat ba dei ha ka por ba dang shu dep slap jur bad ngim tip na ka daw balei ka um hangne ka long jngut kumne.
Kan jin da la long ka kshaid kaba itynnat lada ka um ha kane ka kshaid kan long kaba khuid bad sngur kum sha kiwei pat ka jaka.
Wat la katta ruh ka long ka kshaid bad ka jaka ba itynnat bad pyngngad kaba ngim lah khlem da ieng bun por halor kane ka jingkieng.
Nangta, ngi leit sha kawei pat ka bynta jong kane ka park. Ngi iohi ine i iing ba itynnat ba ki la shna kyrpang, lehse ban shongkai kiba wankai pyngngad.
Peit ine i jingkieng nar iba itynnat iba lah ban iaid bad poi sha kawei pat ka bynta jong ka park.
----------------------------------------------------------------------------
CAMERA ; Ritchie
EDITING : Ritchie
SCRIPT & SUBTITLE : Ritchie
VOICE OVER : Santa
LOCATION : EverGreen Park (Mawpdang)
----------------------------------------------------------------------------