Zenias-S'amigu (Passu Torrau)

TESTO:
S'idet s'amigu a or' e apretu,
pro malu intrigu curret deretu,
mai s'arrendet in sa mala sorte,
e ti difendet finas a sa morte.

Sempes seguru e rie rie,
mudat s'iscuru in bella die,
su rispetosu no est traitore,
semper amante de s'onore.

Chie t'istimada sempes s'iscusat,
mai si vrimmada e ne s'abusat,
sempes tratenes in d'unu gosu,
ca ses su bene pius pretziosu.

Un amigu sintzeru t'este accanta,
una manu ti dada a s'ora tua,
cando ides una persona afranta,
mira ca est ora 'e ponner parte tua.

Cando sa zente est de bona idea,
si movet pro azudare unu frade,
no timet ne su vritu e ne pelea,
custa si narat alta dignidade.