Скачать или смотреть FRANZ SABALONES ANG ITINUMBANG HIGH VALUE TARGET DRUGLORD NG CEBU

Sa kasaysayan ng Pilipinas tol, ang isyu ng ilegal na droga ay palaging naging sentro ng maraming kontrobersiya at malalaking balita. Isa sa mga pinakatampok na pangyayari sa larangang ito ay ang kaso ni Franz Sabalones, isang dating traffic enforcer mula sa Cebu City na naging isa sa mga pinakamalaking drug lord sa Central Visayas. Ang kanyang kuwento ay naglalaman ng mga elemento ng pag-amin, pagsuko, at pagtataksil, na umani ng malawak na atensyon mula sa publiko at mga awtoridad. Ang pag-amin ni Sabalones na siya ay nasa likod ng malawakang operasyon ng ilegal na droga, kasunod ng pagkamatay ng dating drug lord na si Jeffrey "Jaguar" Diaz, ay isang malaking balita sa buong bansa. Minarkahan ito bilang isang mahalagang yugto sa kampanya laban sa droga ng administrasyong Duterte. At gaya sa kaso ni Kerwin Espinosa marami ring mga pulis ang nadawit sa kaniyang malawakang operasyon sa kalakalan ng illegal na droga.

Si Franz Sabalones, na tubong San Fernando sa timog-silangang Cebu na nakasuot ng simpleng puting T-shirt, itim na maong, at may suot na ball cap, ay tila isang pangkaraniwang sumuko sa droga nang kanyang iwinagayway ang puting bandila sa harap ni dating (PNP)Director General Ronald 'Bato' Dela Rosa noong August 9, 2016 sa Camp Crame. Sa araw na iyon, ilang buwan matapos maupo sa opisina ng pagkapresidente si Rodrigo Duterte at ideklara ang madugong laban kontra ilegal na droga, inamin ni Franz Sabalones, na siya ay isa sa mga nangungunang personalidad ng droga sa Cebu. Inilahad din niya na siya ang humawak ng operasyon sa ilegal na droga ng pinaslang na druglord na si Jeffrey 'Jaguar' Diaz. Ang pag-amin ni Franz ay hindi lamang ikinagulat ng komunidad ng Cebu kundi pati na rin ng buong bansa, lalo na nang simulan niyang ikuwento kung paano siya naging isa sa pinakamalaking supplier ng ilegal na droga sa probinsya mula sa pagiging isang traffic enforcer sa Cebu City. Katunayan, siya pala ang tinaguriang number 2 most wanted druglord ng Central Visayas kasunod ng numero uno na si Jeffrey Diaz alyas Jaguar.

True Crime Tagalog | Tagalog Crime Stories