ဆင်းရဲနေတဲ့ပြည်သူနဲ့ ဇိမ်ခံကားပေါ်က ဆရာတော်တွေ

ဆင်းရဲနေတဲ့ပြည်သူနဲ့ ဇိမ်ခံကားပေါ်က ဆရာတော်တွေ (ရုပ်/သံ)

ဧရာဝတီ၊ ဇွန် ၂၆၊ ၂၀၂၄

မြန်မာနိုင်ငံ လူဦးရေရဲ့ ၃၂ ရာခိုင်နှုန်းကျော်ဖြစ်တဲ့ ၁၇ ဒဿမ ၅ သန်းလောက်ဟာ ဆင်းရဲမွဲတေမှု ဒါဏ်ကို ခံစားနေရတယ်လို့ ကမ္ဘာ့ဘဏ်ရဲ့ ဇွန် ၁၂ ရက်နေ့က ထုတ်ပြန်တဲ့အစီရင်ခံစာမှာဖော်ပြထား ပါတယ်။

အဲ့ဒီလို ဆင်းရဲမွဲတေနေတဲ့ နိုင်ငံဟာ ကမ္ဘာ့ လှူဒါန်းမှု အများဆုံး နိုင်ငံစာရင်းတွေထဲမှာ ပါရှိတယ်လို့ လန်ဒန်အခြေစိုက် Charities Aid Foundation (CAF) အဖွဲ့အစည်းကနေ ၂၀၁၃ ကနေ ၂၀၉ အထိ ကောက်ယူထားတဲ့ World Giving Index စစ်တမ်းက ဖော်ပြထားပါတယ်။

ဒီလှူဒါန်းမှုတွေဟာ ဘုရားစေတီပုထိုးတွေနဲ့ ဘုန်းတော်ကြီးတွေဆီကို လှူဒါန်းကြတာမျိုးက အများဆုံး ပါဝင်နေတယ်ဆိုတာ တွေ့မြင်ရပါတယ်။

ဆင်းရဲမွဲတေနေတဲ့ ပြည်သူတွေကိုးကွယ်နေကြတဲ့ ဘုန်းတော်ကြီးတွေဟာ မာစီဒီး၊ ဘန်တလေ၊ လင်ကွန်း စတဲ့ နာမည်ကြီး အမှတ်တံဆိပ် ဇိမ်ခံကားတွေကို စီးပြီး တရားပြနေတာ ဖြစ်ပါတယ်။

ဒီအကြောင်းတွေပါဝင်တဲ့ ဧရာဝတီ အယ်ဒီတာစကားဝိုင်းထဲက အယ်ဒီတာချုပ် ကိုအောင်ဇော်ရဲ့ ဆွေးနွေးသုံးသပ်ချက်ကို ကောက်နှုတ်ဖော်ပြလိုက်ခြင်းဖြစ်ပါတယ်။

စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/3btQYpR