Скачать или смотреть شيلة عرّاب النجاح 2025 | إهداء لسعادة اللواء ركن : فضاء بن طريخم البقمي | نياف تركي و عبدالله البقمي

ملاحظة : نسخك للمحتوى او إعادة رفعه يعرض قناتك للإغلاق

إشترك في قناة نواف البقمي | القناة الرسمية .
   / @oa.7u  
‏Snapchat : oa.7u
‏http://cutt.us/asoPX
‏Twittwr : oa_7u
‏http://cutt.us/3rSCA
قناتي في التيليجرام /
https://t.me/joinchat/AAAAAEiHYPN21F9...
نواف البقمي - القناة الرسمية ( حصرياً ) 2025
_______________________________________________________________

الابيات :

الهاجس اللي تصفق امواجه براسي م استراح
لين يتعلّى النايفات ويلفحه هبّابها

احيان كني في سجن لو كان انا مطلق سراح
من كثر م اسنّد على الجزلة وانا طلّابها

ما كل جزلة تنفع لمثلي لو ان البرق لاح
اتعب على النوع الفريد اجيبها واعنابها

ارقابها روس الرجوم وتنحني هوج الرياح
والكلمة اللي تطرب اهل الذايقات ارقابها

خصوص لا صارت لرجل الفعل عرّاب النجاح
ترفع لبو راكان رايتها ويفتح بابها

لواء ركن راعي وفاء راعي فعل قايد سلاح
كل المدايح والفضايل لابسن جلبابها

ثقة ملكية بصدق اخلاص واصرار وكفاح
دون الوطن تقول هاك الروح يا جلّابها

الطيب في حلة فضا يقول حيا للفلاح
ابن طريخم وقفته كلٍ يحسب حسابها

اليا قنص يرجع بحر ولا ورد يارد قراح
وليا وقف يرسي ولامنه بغاها جابها

صدره مثل صدر الفضا وارحب من الارض البراح
والحاجة اللي تعجب اهل المرجله يشقابها

المدح في شرواك مثل الحر مفرود الجناح
يحوم باطراف السحاب ومنزله بهظابها

من ساس قومٍ في زمانٍ فات يروون الرماح
الآد مريح محتمين الدار من حرّابها

روس البقوم اللي لعدوان الوطن سمٍ ذحاح
وقفاتهم دون الوطن تذكر وكلٍ هابها

بقول كلمة حق ياوجه السعد نور الصباح
انته يابو راكان ساس المرجلة عرّابها