Danigala Circular Rock | Alien Mountain | දානිගල කන්ද තරණය | ආදිතමයන්ගේ චිත්‍ර සොයා| 4K

A Circular shaped rock near Aralaganwila in Polonnaruwa is a giant with many secrets. According to many, Danigala is a place where for UFO activities. This rock is on land that belongs to ancient Kandegama Rajamaha Viharaya.

Our visit to Danigala proved to us that there is something behind the stories of Alien activities in this area .one of the most exciting aspects of this rock is the cave with geometric signs, symbols, letters and many unique images dated more than 300,000 years. However, this is a must-visit place in Sri Lanka which will remain bundles of exciting memories. I hope you will enjoy the video

Greetings,
I am Dinesh

දානිගල කඳු මුදුන දෙස ඉහල සිට කුරුළු ඇසකින් බැලූ කල දැක ගත හැකි වන්නේ සමාන හැඩ ගත් රවුම් හැඩයෙන් යුක්ත විශාල වළලු කිහිපයකි. ඉන් එකක් පර්වතයෙන්ද,තවත් දෙකක් ශාක වලින් සහ පැලෑටි වලින් ද, ඒ අතර මැද පිහිටි වළල්ල කුඩා සුදු පැහැතු පාෂාණ වලින්ද සැකසී ඇත. එහි සමහර පාෂාණ චන්ද්‍රකාන්ති පාෂාණ බවත් රාත්‍රි කාලයට ඉතා දීප්තිමත් එළියක් නිකුත් වන බවත් ගැමියන්ගේ මතයයි. කෙසේ වෙතත් මා කල සීගිරිය සංචාරයේදී දුටු සීගිරි පර්වතයේ තිබූ පියගැට පෙළ වලින් බොහෝමයක් ද සකසා තිබුනේ චන්ද්‍රකාන්ති පාෂාණයෙන් බව පසක් කල යුතුය.

මෙය කිලෝමීටර ගානක නිර්මාණයකි. සොබාදහමෙන් නිර්මාණය වී ඇති දෙයක් සහ යම් කලෙක රජුන් හෝ මිනිසුන් විසින් කරණ ලද්දක් බවට හෝ පිටසක්වලයන්ගේ සම්බන්ධයක් ඇත්දැයි යන බවට සැබැවින්ම ඇත්තේ කුතුහලයකි.

පර්වතය පහල පමණක් දක්නට ලැබෙන කුඩා සුදු පැහැති පාෂාණ තව දක්නට ඇත්තේ වළල්ලක් වැනි කොටසේ පමණකි. කෙසේ වෙතත් ප්‍රශ්න රාශියක් සිත තුලින් පැන නගිද්දී, කුතුහලය මා හා තර්ක කරද්දී, දානිගල කඳු මුදුනේ අනෙක් පසට ගමන් කලේ මේ පිළිබඳව කෙටි කාලයක නිවාඩුවක් ගෙන හෝ සොයා ගත යුතුයි යන සැනසුම් වදන් මටම කියා ගනිමිනි.

අප දානිගල කඳු මුදුනේ අනෙක් පසින් පහලට බැස ගත්තේ ගමේ මග පෙන්වන මහතා චිත්‍ර ගුහාවක් ඇති බවට දුන් ඉගිය හා කැටුව යමිනි. තවත් විනාඩි විස්සක පමණ ගමනකින් පසු හමු වූයේ ගල් කුහරයකි. ඒ තුලින් පහලට රිංගා යාම අපහසු සහ අනාරක්ෂිත දෙයක් වුවත් සුන්දර ගමනාන්තයකින් මේ අනාරක්ෂිත මාර්ගය අවසාන වීම අස්වැසිල්ලක් කොට ගෙන අප කංඩායමේ එකිනෙකා අතට අත දී කෙමෙන් කෙමෙන් පහලට බැස ගත්තේ ගල් කුහරය පහලට රිංගා යමිනි.

සමහර තැනෙක කඳු කෙලවර ඇති කුඩා පැල අල්ලා ගනිමින් ගමන් කල යුතුය.කුඩා හෝ පය ලිස්සා යාමකින් සිදු වන අනතුරු ගණනය කල නොහැකි තරම් ය. අවසන අප ලගා වූයේ ගල් දොරක් වැනි තැනෙකටයි. ඒ තුලට රිංගා යා යුතු වූ අතර තරබාරු අයෙකුට හෝ සැනෙකින් කලබල වන අයෙකුට මෙයින් රිංගා යාම ගැටලුවක් වන බව නොඅනුමානය.

තද කහ පැහැති ඝණ පාශාණය මත චිත්‍ර රේඛා එහා මෙහා නොයන පරිද්දෙන් ඉතා ගැඹුරට ඇද ඇති සිතුවම් සැබැවින්ම පුදුම සහගතයි. උසින් අඩි විස්සක පමණ ගල් බිත්තියේ ඉහලට යන තෙක්ම ඇත්තේ මේ ආකාරයේම සිතුවම් සමූහයකි. විවිධ විශාල රේඛා සහ කුඩා රේඛා වලින් ඇද ඇති සංකේත වලින් මවා පානු ලබන්නේ වෙනස්ම වූ තොරතුරු සමූහයක් බවට ඕනෑම අයෙකුට බැලූ බැල්මට වැටහී යනු ඇත. මේවා කුමන කාලෙක කවුරුන් විසින් කරණ ලද්දක්ද බවට මෙතෙක් සොයා ගෙන නැතත් මේ වන විට මේවා නිධන් හොරු විසින් නම් සොයාගෙන අවසන් ය. ගල් කුහරය තුල අප ගමන් කල අඩි පාර අයිනට වන්නට අඩි දහයක පමණ විශාල වලක් හාරා තිබූ අතර යම් හෙයකින් අප විදුලි පන්දමක් හෝ නොමැතිව ගමන් කලේ නම් නිසැකවම විශාල අනතුරක් සිදු වීමට ඉඩ කඩ තිබුනි.

චිත්‍ර ගුහාව අනෙක් පසට වන්නට බැලුම් ගලක් වැනි තැනෙක නතර වූ අප මද වේලාවක් විවේක ගෙන නැවතත් දානිගල පහලට ගමන් ඇරඹුවේ රෑ බෝවීමට මත්තෙනි. පහලට යාම සදහා පහසු මගක් සොයා ගැනීමට අපට සිදු වූයේ කාලට කලමනාකරණය කරගැනීමටයි. මක්නිසාද ‍යත් රෑ බෝවෙත්ම අලි ඇතුන් සහ වලසුන් මේ ඉසව්වට පැමිණෙන බව ගමනාරම්භයේදීම දැනගත් නිසාවෙනි.

"කෙටි මාර්ග භයානකයි" අප පහලට පැමිණි මාර්ගය අවසාන වූයේ ප්‍රපාතයකිනි. එය මීටර විස්සක පමණ වූ අතර, එහි එක් අන්තයක ඇති නුග මුල්, ගල දිගේ පහලට ඇදී ගොසිනි. මුල් වලට අඩිය තබමින් අංශක අනූවක හෙලක් පහලට ගමන් කිරීම සැබැවින්ම සිතූ තරම් පහසු දෙයක් නොවූ අතර, මුල් අතරින් පහලට ගලා හැලෙන කුඩා දිය සීරාව නිසා කුඩා අත්වැරැදීමකින් නිසැකවම මරණය ලගා කර ගත හැකිය.

හෙල පහලට පැමිණි අප කංඩායම නැවතත් පංසලට ගොඩ බට වූ අතර, අප සංචාරය කල ගල්ලෙන් වලින් මින් පෙර සොයා ගන්නා ලද ඉපැරණි මැටි භාණ්ඩ කිහිපයක් ධාතු මන්දිරය තුල තැම්පත් කර තිබියදි අපට පෙන්වා දුන්නේ නායක හාමුදුරුවන් විසිනි. උන්වහන්සේගේ කරුණා ගුණයද අගයමින්, අප කංඩායම පිරිවෙනට සමු දී නැවතත් අරලගංවිල දෙසට ගමන් කලේ අතීතයේ කතා රාශියකට මූල බීජයක් වී ඇති පුරාවිද්‍යා වටිනාකමක් ඇති අපෙන් ඈතට යන දානිගල දෙස බලා සුසුමක් හෙළමිනි.

➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖
Instagram -   / dinesh_a_pathum  
➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖➖

“Copyright @ [Dinesh A Pathum 2023]. Any illegal reproduction of this content will result in immediate legal action.”

#dap #danigala #polonnaruwa #Danigala #alianmountain #alianactivities #srilanka #visitsrilanka #gopro #djidrone #history #ancient #culture #roadtripssrilanka