Качкын президенттерди калк кечиреби? | ЭКСПЕРТТЕР ТАЛДАЙТ

2005-жылы бийликтен кулатылган мурдагы президент Аскар Акаевдин бул жолку Бишкекке сапары талкууга түштү. Академик Акаевдин тарапташтары мурдагы президент бул жолу Кыргызстанга Кыргыз Техникалык университет жана Илимдер Академиясына лекция окуш үчүн келгенин билдирди.

Мындан соң элдик толкундоолордун аркасында бийликтен кетип, 18 жылдан бери Орусияда жашап жаткан Акаевдин дарстарына алгач студенттер каршы чыгып, кийин маселе парламентке чейин көтөрүлдү. Жыйынтыкта Билим берүү министрлиги лекциянын болбой турганын жарыялады. Андан бир апта мурун элдин нааразылыгынан улам бийликтен кулатылган дагы бир мурдагы президент Курманбек Бакиевдин маеги талаштарды жараткан. Кыргыз коомундагы мурдагы президенттерге карата cоңку мамиле мамиле эмнени көрсөтөт?