សហព័ន្ធ​ខ្មែរ​កម្ពុជាក្រោម​ ​រាយការណ៍​ទៅ​ អ.ស.ប ​ពី​ការ​ធ្វើទុក្ខបុកម្នេញ​របស់​រដ្ឋាភិបាល​វៀតណាម

​សហ​ព័ន្ធ​ខ្មែរ​កម្ពុជាក្រោម​ ​បាន​បញ្ចប់​បេសកកម្ម​ជិត​ពីរ​ស​ប្តាហ៍​ចូលរួម​កិច្ចប្រជុំ​ ​វេទិកា​អ​ចិន្ត្រយ៍​ស្ដីពី​បញ្ហា​ជនជាតិ​នៅ​បុរី​ញូ​វ​យ៉​ក (​New​ ​Y​ork) ​កាលពី​ចុង​ស​ប្តាហ៍​មុន​។​ ​សហ​ព័ន្ធ​បាន​ប្រើប្រាស់​វេទិកា​នេះ​ ​ដើម្បី​ផ្សព្វផ្សាយ​ការ​ធ្វើទុក្ខបុកម្នេញ​ជនជាតិ​ដើម​ខ្មែរក្រោម​ ​ពីសំណាក់​រដ្ឋាភិបាល​វៀតណាម​ ​និង​ស្នើ​ឲ្យ​វៀតណាម​ ​ចាត់​ទុក​ខ្មែរក្រោម​ជា​ជាតិ​ដើម​ ​ហើយ​ត្រូវ​បូក​បញ្ចូល​សហគមន៍​ខ្មែរក្រោម​ ​ក្នុង​គោល​នយោបាយ​អភិវឌ្ឍន៍​របស់​វៀតណាម​ ​និង​ការ​អនុវត្តន៍​គោលដៅ​អភិវឌ្ឍន៍​ប្រកបដោយ​និរន្តរភាព​ (S​D​G​s) ​របស់​អង្គការសហប្រជាជាតិ​។ លោក​ យន់​ សា​មៀន​ នៃ​វិទ្យុ​អាស៊ី​សេរី​ ផ្នែក​ខេមរភាសា​ រាយការណ៍​ព័ត៌មាន​នេះ​ កាលពី​ថ្ងៃទី​ ១​ ខែឧសភា ហើយ​​សំឡេង​កម្ពុជាក្រោម​ និងទូរទស្សន៍ ព្រៃនគរ សូម​លើក​យក​មក​ចាក់​ផ្សាយ​ឡើងវិញ​ ដែល​មាន​ខ្លឹមសារដើម​ទាំងស្រុង​ ដូចតទៅ​៖