Скачать или смотреть Afrikaanse Rympies vir Kleintjies: Kat & Muis

Leer lekker intensiewe vorme saam met KAT & MUIS, deur 'n versie spesiaal gemaak vir kleuters en peuters:

KAT EN MUIS

Die piepklein muis,
Het ‘n spierwit huis,
Hy eet goudgeel kaas,
Op die grasgroen plaas.
Die pikswart kat,
Sien ‘n seepgladde mat,
Hy het ‘n vlymskerp plan,
Om tjoepstil muis te vang,
Maar die stroopsoet muis,
Het ‘n rotsvaste huis,
Hy sal kliphard skree,
En dan doodstil lê,
Want die kat is yslikgroot,
Met een blitsvinnige poot.
Sy stert is lewenslank,
Op daai potblou bank,
En daai piepklein muis,
In sy spierwit huis,
Het ‘n stokoue plan,
Om die spekvet kat te vang.
Michelle Rust

[Afrikaanse kinderstories, Afrikaans vir Peuters, Afrikaans vir kleuters, Afrikaanse rympies, Afrikaanse versies, Afrikaanse intensiewe vorme, leer Afrikaans, maklike Afrikaans]