Скачать или смотреть مندي أسطوري ام يزيد التركستاني

مندي أسطوري
اول شي جيبي حبتين دجاج و قطعيه من النص و غسليه و نشفيه من موية الغسيل و بعدها تبلي الدجاج ب خليط من ( الملح + ملح اندنوسي اختياري + لون صفار الزعفران اخلطيهم مره تمام ) و بعد ما تتبلي الدجاج ب اصباع يدك امسحي الدجاج بشوية من لون البرتقال
خلطة السمن - 👈🏼 ذوبي في قدر صغير ملعقتين كبيره لية الغنم ( شحم ) و بعد ما يذوب حطي عليه شوية زيت او سمن ( و ممكن بالكامل تستخدمي شحم الغنم او سمن او زبده بس الافضل لية الغنم ) و ضعي حبة بصل صغير مقطع شرائح رفيعه و كم حبة هيل و كم حبة فلفل اسود و قلبيه حتى يشقر البصل على خفييييف و ارفعيه من النار
و جيبي الصينيه و ضعي 4 أكواب رز مغسل و منقوع و اسكبي فوقه البصل مع السمن و اسكبي فوقه مويه مغليه حسب إحتياج الرز و ضعي الملح و حركي المكونات على خفيف و ضعي فوقه كم حبة فلفل و ضعي فوقه الشبك و رصي فوقه الدجاج و ضعي قصدير ( شكلي القصدير زي الصحن ) صغير في النص و ضعي فوقه الجمر و اسكبي فوقه قليل من الزيت و غطي الصينيه بالقصدير على السريع و بشكل محكم عشان يتبخر الدجاج و الرز
و دخلي الصينيه في فرن مسخن مسبقا و النار من تحت و على اعلى درجه و اتركيه يستوي ياخذ من ساعه وربع إلى ساعه و نص حسب حرارة الفرن و أنا شلت القصدير بعد ساعه و ربع و بعدين ولعت النار من فوق عشان يحمر الدجاج و بالعافيه