Sinhala Copy 127 - Thayam mayam horahitha hinda තායම් මායම් හොර හිත හින්දා

අද ගී පොකුරක් - තායම් මායම් හොරහිත හින්දා - 1956 දොස්තර චිත්‍රපටියට පී සුශීලා ගායනා කළ ඉතා ජනප්‍රිය ගීයක් අද. මේ ගීතය ගැන ටිකක් දිග වට්ටෝරුවක් දිගහරින්න තියෙනව.
(1) 1920 ගණන්වල ඉන්දියාවේ අන්ද්‍රා ප්‍රදේශයේ උපන්, වින්ජාමුරි සහෝදරියන් ලෙස හැදින්වුන අනසුයා සහ සීතා, Chukkala Cheerakattukoni නම් වූ ජනප්‍රිය ජනගීයක් තැටිගත කලා. ඒ අන්ද්‍රා ජනගීයක්. අනසුයා ගායනා කල ඒ ගීතයේ තනුව තමයි තායම් මායම් හා එයින් පසුව බිහි වූ තෙලුගු, දෙමළ ගීතවලට මුල් වුනේ.
(2) අනසුයාගේ ගීතයේ තනුව රැගත්, එරුවක සරගෝරනෝ චින්නම්මා නම් වූ ගීතයක්, 1955 දී නිපදවුනු රෝජුලු මාරෙයි නම් තෙලුගු චිත්‍රපටියේ වහීදා රේමන් ගේ නැටුමකට ජික්කි විසින් ගයනු ලැබුවා. ඒ ගීතය අති විශාල ජනප්‍රියත්වයකට පත්වුනා.
(3) රෝජුලු මාරෙයි චිත්‍රපටියේ ජනප්‍රියත්වය නිසා එහි දෙමළ අනුකරණ චිත්‍රපටියක්, කාලම් මාරි පෝචු නමින් 1956 දී නිපදවුනා. එයට අර තනුවම රැගත් කල්ලන් සබදම් තෙරියාදවනේ නම් වූ ගීතයක් ඇතුලත් වුනා. ගායනාකලේ ජික්කි මයි.
(4) ඒ අතරේ 1956 දීම තැනුන මදුරෙයි වීරන් දෙමළ චිත්‍රපටියටත් මේ තනුවම රැගත් සුම්මා ඉරුන්තා නම් ගීයක් ජික්කි ගායනා කළා.
(5) 1960 දී නිපදවුන බම්බයි කා බාබු හින්දි චිත්‍රපටියෙත් මේ තනුවේ ඡායාව රැගත් මිහිරි ගීයක් ඇතුලත් වුනා. දේඛ්නේ මේ භෝලා හෛ නම් වූ ඒ ගීය ගයන්නේ ආශා බෝස්ලේ.
(6) අපිත් නිකම් හිටියේ නෑ. 1956 දොස්තර නමින් තිරගත වූ සිංහල චිත්‍රපටියට පී සුශීලා ගායනා කලා තායම් මායම් හොරහිත හින්දා ගීතය. කාල වකවානු බැලුවහම අපි කොපි කරන්න ඇත්තේ 1955 තෙලුගු චිත්‍රපටියේ ගීතය වියහැකියි.
ඔන්න ඔහොම පරිණාමයකින් පසුවයි අද ගීත මල්ල සකස් වෙන්නේ. මේ ගී හයම දිග වැඩි නිසා (1) සහ (3) ඉවත් කරලයි ඉදිරිපත් කරන්නේ.

විවිධ ගී ප්‍රිය කරන සිංහල රසිකයන් වෙත තිළිණයක්. පැරණි සිංහල ගීතවලට මුල් වූ විදේශීය ගීත සහ ඒ සමානව ගැයෙන වෙනත් ගී රස විදීීීමට ඔබ කැමති නම් ඔබ පැමිණ ඇත්තේ හරි තැනටයි. මෙවැනි ගී තව තවත් ඔබ වෙත ගෙන ඒමට හැකිවන සේ මේ චැනලයට Subscribe කළ මැනවි. සීනුවට ක්ලික් කලොත් ඔබට මගේ ඉදිරි පළකිරීම් ගැන දැනුම්දීමක් ලැබෙනු ඇති. ස්තුතියි! මෙහි එන සියලුම ගී වල අයිතිය මුල් හිමිකරුවන් සතුය.
If you are happy with the collection of songs, please subscribe to this channel. I will be very much thankful to you. If you click on the BELL icon, you will get notifications when new songs are uploaded