星光路上足本版｜鍾志光憶球迷世界黃金拍檔 做評述常拋金句創經典

星光路上足本版｜鍾志光憶球迷世界黃金拍檔 做評述常拋金句創經典

身兼體育評述員及藝員，現年62歲嘅鍾志光，早前獲教育大學頒發榮譽院士銜，身邊嘅好友都有一齊見證呢個重要時刻，鍾Sir呢日接受TVB娛樂新聞台《星光路上》訪問，同我哋主播 潘盈慧 一齊分享呢份喜悅，細訴入行經過。

鍾Sir表示獲得教育機構肯定感到榮幸又開心，妙不可言，佢自認工作上談不上大成就，所以對獲得榮銜愧不敢當。查實鍾Sir喺香港體育界一直貢獻良多，佢從小就接觸足球，中學時期獲老師提攜擔任體育行政工作，從而對體育產生興趣，更因而在畢業後考獲康樂管理高級文憑，當時他一心學以致用，從事體育行政工作，但行錯路去了私人機構，結果不愉快離場。及後因緣際會到電台主持體育節目，再獲電視台監製賞識挖角，預備90年世界盃，他形容一入豪門深似海，幾十年都離不開這個圈子。

鍾Sir做評述時經常會拋金句令觀眾留下深刻印象，但佢就話唔覺係金句，只係有時衝口而出，例如有次評述一場香港隊球賽尾聲，佢話香港隊好勤力，真係「天道酬勤」就引嚟迴響，但其實讀書時期已經識得，仲話圈中好多高學歷嘅人，自己只係平常心，未敢自居高學歷。

鍾Sir入行以來遇過不少恩師，最難忘係同已故林尚義、蔡育瑜三人一齊共度15年嘅組合，憶起當時同事都笑他們老中青拍檔，如今往事只能回味，就連當年代表青年嘅鍾Sir都慨嘆已經年華不再，不過仍然很懷念那些年嘅回憶，在兩位身上學到很多。

除此之外，鍾Sir亦因為口才了得，獲已故監製鄺業生看好，邀請拍攝首部作品《醉打金枝》，主演一場踢蹴鞠嘅戲，之後陸續獲監製僱用，當時佢完全沒想過會成為演員。近期喺《愛·回家之開心速遞》中飾演縮骨又孤寒嘅佳叔，成功深入民心，而喺啱啱大結局嘅劇集《反黑英雄》就大相庭徑，出演警官戴Sir一角，充滿正氣。鍾Sir認為拍劇嘅微妙就係可以演繹不同人生，令巨過足癮。

#鍾志光 #潘盈慧 #星光路上 #教育大學 #榮譽院士銜 #醉打金枝 #愛回家之開心速遞 #反黑英雄 #反黑英雄


#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0