林保怡終憑「白日之下」稱帝 心情激動興奮承諾繼續努力做好角色

方中信、林保怡（Bowie）、石修、歐陽震華、衛詩雅（Michelle）、柳岩、林明禎等一眾藝人齊集澳門出席世界電影產業大會，入行16年嘅衛詩雅更首次封后，憑《破‧地獄》首奪第39屆華鼎奬「華語最佳影視女演員」奬，令Michelle感到非常鼓舞。

至於「華語最佳影視男演員」奬就由內地演員魏晨奪得，魏晨由歌手轉型演員，如今努力終於被肯定，好感激家人同粉絲多年支持，若果冇佢哋嘅厚愛，並不會拿到獎項，特別魏晨係以歌手出道，演戲對佢嚟講充滿難度挑戰，如今終於夢想成真。

林保怡喺電影《白日之下》飾演院長一角，精湛演技令佢首度衝擊金像影帝，Bowie呢次憑院長奪得金莉花奬「全球最佳男主角」奬，坦心情好激動，因為角色一直獲提名不同頒獎禮，終於攞到獎，對佢來講係莫大鼓勵，承諾觀眾會繼續努力做好角色，感受到觀眾對佢有好高要求。

方中信則憑電影《金手指》獲金莉花獎「全球最佳男配角奬」，得奬時佢謙虛將榮耀歸功於團隊，形容係大家一齊努力嘅成果，雖然自己在圈中多年，但每位演員都希望可以喺台上攞獎，所以佢都特別開心，稍後方中信仲會有兩部電影推出。

#衛詩雅 #方中信 #林保怡 #石修 #歐陽震華 #柳岩 #林明禎 #世界電影產業大會 #破地獄 #第39屆華鼎奬 #華語最佳影視女演員 #追夢 #華語最佳影視男演員 #魏晨 #金像影帝 #白日之下 #金手指 #金莉花奬 #全球最佳男主角 #全球最佳男配角奬

#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0