Скачать или смотреть ممدوح الشدادي | القناة الرسمية

كلمات الشاعر / عيضه الشلوي
من ادائي
مكساج وتوزيع / تون لايف
اتمنى تنال اعجابكم 🌹









ان كان يابتال تبغا التفاصيل
جاني من بنوك المدايح رساله
ارسالةً ماهيب ضحك وتعاليل
ارسالة فيها احترام وجماله
مافيه دين الا جميل الرياجيل
باق الديون انا اعتبرها سهاله
يابوك لاتنسا حقوق المشاكيل
حفظ الجميل من الادب والاصاله
اوصيك حتى فالليال المقابيل
واوكلك لاجاء نهار الوكاله
انا الذي تعبت متونه من الشيل
ويدور الفرصه ويوصي عياله
يبا يرد الكيل لموفيّ الكيل
ويواجه افواج الجمايل لحاله
احرجتني ياخال بالحيل بالحيل
صعبه مجاراة البناخي لخاله
انت النديم اللي طلع طلعة سهيل
وانت الكريم اللي بعيدً مناله
والله ياابو مروان ماهي تساهيل
ردة جميلك في جميلً بداله
يالوافي اللي مدتك تعدل الميل
يالصافي اللي وافياتً خصاله
قبيلتك مثلتها خير تمثيل
وصلة حبل اللي قصارً حباله
فالصلح والعتق الك بصمه وتكميل
يفرح بك اللي ضيق الوقت باله
مدات جودك يابعيد المواصيل
عمت على روس العرب في عجاله
شيوخ واعيان وقرومً حلاحيل
اكرمتهم لاجل الوفى والشكاله
والشاعر اللي مبدعً فالتماثيل
حتى لو اعلن للجميع اعتزاله
قدرت مجهوده على ماضي الجيل
فالشعر قبل يقدم الاستقاله
انا اشهد انك وافي ولانت ببخيل
لعزوتك تكريمك اكبر دلاله
وكم واحدً مامعه حيله ولاحيل
اصبح يعادل مكسبه راس ماله
من غير هامش ربح تعطيه تمويل
وانت كفيله كان يبغا الكفاله
صارت محاصيله تفوق المحاصيل
في كل عشر اشهر تجيه الحواله
ياجعل يفدونك هل القال والقيل
اللي يجيهم من تميزك حاله
ناسً مغير يدورون المداخيل
من طبعهم مايتركون الجهاله
محمد بن عاضه معلم الجيل
الله يبارك له بماله وحاله
خالي وافاخر به زحول الرياجيل
ويشوش راسي كل ماجاء مجاله
جدانه اللي يشربون الفناجيل
يوم المغازي والرمك واعتكاله
اهل المشوك والسيوف المصاقيل
واهل الرفيع اللي يذري ظلاله
مبارك ابن سعيد ريف الهشاشيل
وراعي مويقه حيهم من سلاله
وابن سفر يوم الركايب زرافيل
كم جمع قومً وقفه وارتكاله
خوالي اهل الصيت والجيش والخيل
عزوة ذوي ملفي سيوف العداله