Скачать или смотреть أصيل المبادي | شيله مهداه لـ محمد بن عاضه | كلمات الشاعر / ساعد الشلوي | القناة الرسمية

شفقنا على الطيب ولو هو بعيد اديار
وياقربه من القلب ساعة تذكرته
بعد مالجأ في مهجة القلب تسع اعشار
عرفته بطيبه والجمايل مكبرته
عيوني مثل متحري العيد فالمسبار
وبشر هلال العيد والناس ناشرته
اعيد واسلم واعمر البيت بالاذكار
شماغي وثوبي من كسر عود عطرته
طريق الحجاز اللي على البال ف المشوار
فهقت الرياض خلاف والخط ناحرته
على اللي لميع اجنوبه البارق السمار
يذيب الخطوط البيض والصفر بكفرته
من السطحه ل باب الوكاله عليه اغبار
وأخذته على خط الثمامه وصنفرته
بعد يوم فبشر زد قطع له ثلاث اصفار
من الماتش الأصلي نص علبه على كرته
تقول ان في راسي سرب يطلبون الثار
ومن طب وداي عبقر الجن طيرته
نقاط التفاتيش اشغلوني يمين يسار
على كثر ما ايمنت الطريق وتياسرته
ابي من بني عمي عديم ووريث احرار
هذا اللي دواليب الليالي ماغيرته
على شبره الريجيل تطلع بعشر اشبار
الاجناب شابرته والاقراب شابرته
كبر في عيون الناس واصل الكبار كبار
من آلاد ملفي عامر البيت عامرته
محمد ولد عاضه شبا الساطي البتار
فرض بالكرم والطيب والخلق سيطرته
حشيم وكريم وشاعر ينافس الشعار
بيوت القصايد بابيض الفعل شاهرته
طليق الحجاج اللي عمر بالسلوم اعمار
يباريه دعوة والدينه وشاكرته
اله منهجً واضح واله سيره وتكرار
ماتخلو من أنعم وأكرم وطيب بادرته
عطاه الله وناصر مثل نصرة الأنصار
عسى الله يوفق له بدنياه واخرته
من آلاد شالي عزوتي محتمين الدار
هل الشايعه يوم المزرفل وميزرته
اهل كرمه يوم الزمن شح واستنفار
هذا الضوء شاعمته وذا الصين حاكرته
ومدحي لربعي من وسام الفخر معيار
صداره ومشهد من قدايم تصدرته
لكن ابن عاضه له مآثر على الانظار
أصيل المبادي والحضارة ماوخرته
يجيني على مدحه هيام وعطش واصرار
ولا ابغى سوا شوفه وشوره ليا شرته
بيوت المدايح في عيوني بعدها اقصار
على كبر منزلته مقدر وقدرته
هذا واجب الشاعر لابن عم شهم وبار
ولا احدً معذرني لو اني تعذرته
سلامي وتقدير وشكري سلاما حار
اليا زارني والا من البعد زاورته



#شيلات #خط_الثمامه #ممدوح_الشدادي
#محمد_عاضه #ساعد_الشلوي #جديد #2026 #شيلة #الرياض #السعودية