Jhesus Cristz, filh de Dieu viu - Guiraut Riquier - festival TROBAREA 2020

Festival Trobarea 2020
Concert-rencontre du samedi 22 août 2020
"Jhesus Cristz, filh de Dieu viu" Guiraut Riquier (troubadour, 13e siècle)
Ce troubadour a composé des chansons d'amour mais surtout beaucoup de chansons pieuses. Celle -ci est une prière, intercession à Jésus Christ dans laquelle il lui demande de l'aider dans le bon chemin.

Margaux Zubeldia : chant
Domitille Vigneron : vièle à archet
Knud Seckel et Efren Lopez: voix

Texte:
Lo sece vers d’en Gr. Riquier fag en l’an MCCLXXV.
"cette chanson, Guiraut Riquier l'a composée en 1275"
 
Jhesus Cristz, filh de Dieu viu,
que de la Verge nasques,
Senher, forfaitz e repres
vos prec que·m detz tal cosselh,
qu’ieu sapcha bes adamar
e falhimens azirar,
viven al vostre plazer.
 
Quar dels bes ai gran plazer,
si sol los sabia far
e·ls mals podia layssar,
mas ses vos no· y truep cosselh.
Aissi m’an li mal conques
qu’a penas cossir dels bes:
tant suy de peccat el briu!
 
Mas espers me ten el briu
de fe que·m valha merces
ab vos, Senher! Quar promes
nos avetz valen cosselh,
si·ns penedem de peccar
ab esfortz de satisfar,
ez ieu ai del tot voler.
 
Senher, donc faitz me·l voler
ben fazen continuar,
que mals no·l fassa camjar;
e datz lo meteys cosselh
a totz selhs on es la fes
vostra, quar grans ops nos es
per que·us siam agradiu.
 
Quar silh que·us son agradiu
son de totz bes far apres,
e dels mals lonhat e des;
Senher, donc datz nos cosselh
que·l camin sapcham triar
e tener que per salvar
nos avetz mostrat per ver.
 
Mostrat nos avetz per ver
camin don volgues anar
per peccadors restaurar;
qu’us non trobava cosselh
de salvar, tro vos vengues
el mon, qu’era totz sosmes
al fals Enemic esquiu.
 
Del cruzel poder esquiu,
Senher, ab pena·ns traysses
si·ns volem, qu’estiers non ges.
Mas l’Enemicx pren cosselh
tan tost els mals aizinar,
que·l mon fa tan greu layssar
qu’om no· y pot far son dever.
 
La Verges al bon cosselh,
Senher, nos pot ajudar
si·us vol, si quon filh, pregar
per nos que·ns vulhatz valer.
 
Senher, del honrat rey car
n’Anfos vos prec qu’enansar
li·n vulhatz son bon voler.
E mi, Senher, faitz obrar
del tot al vostre plazer.

  / florenversa  
www.flor-enversa.com
trobadoresca.assoconnect.com
Autres vidéos sur les chaînes youtube de Flor Enversa et Thierry Cornillon