شيلة مطير وقحطان / أداء : محمد اليابسي /كلمات :سعد عبدالهادي المشرافي

بيني وبين القصايد بطا وشيٍ عسير
مير لاجت بالمواقف اجيده واكتبه

اسرج خيول القصايد من السلك الحرير
شاعر ماكل بيتٍ يمره يعجبه

فعلها لا جات وقت الفرح وسط الضمير
يطرب الخاطر لها والمعاني تطربه

ايه يامشعل على العز والسيف الشطير
فيك اماري واتفاخر بطيبك واطلبه

راعي الوقفات بالطيب لا سل الجفير
يرتكي للحمل وان زاد ثقله يقلبه

مرحبا ترحيبة ناصيتها وسم خير
مرحبا والضيف بالجود يلقى موجبه

وفي محل الابه اللي لها قدرً كبير
محزمً بطيب ثابت ولا احدً يقربه

سعد بن عواد الاسم المقدر والشهير
صب فنجال المكارم وقرب وشربه

عقب رجال المواقف لها العليا مصير
من نصاهم ينحل امره ويلقى مطلبه

من مشاريف المراجل ومن لابة مطير
اسمنا نوماس وكلن ينومسه انسبه

وانت يامشعل معرب وفالك كل خير
ياعسى التوفيق فالك وربي يكتبه

يوم ناسبت المشايخ وقررت المسير
قحطان وحيها للشموخ معربه

هم هل النوماس والفعل الاول والاخير
فعلهم بالطيب ثابت ولحدٍ يشطبه

بيني وبين القصايد بطا وشيٍ عسير
مير لاجت بالمواقف اجيده واكتبه