Скачать или смотреть Parbhani Gangakhed News | पुलावरून पाणी वाहत असल्याने रहदारीस अडचण

मराठवाडा मुक्ती संग्राम दिनानिमित्त विद्यार्थी व शिक्षकांना ध्वजारोहणासाठी होणार होता उशीर

अखेर ग्रामस्थ आले धावून

जायकवाडी धरणातून पाण्याचा मोठ्या प्रमाणात विसर्ग गोदावरी नदीला होत असून या पाण्यामुळे नदी, नाले ओसांडुन वाहत आहेत. याचा परिणाम ग्रामीण भागातील छोटे छोटे वाहतूक करणाऱ्या पुलावर झाला आहे. गंगाखेड तालुक्यातील खळीच्या शेजारी पुलावर ब्यक वॉटर चे पाणी आल्याने रहदारी करणारा पुल पाण्याखाली गेला.
आज मराठवाडा मुक्ती संग्राम दिनानिमित्त शाळेतील विद्यार्थी व शिक्षक सकाळी ध्वजारोहण करण्यासाठी शाळेकडे जात असताना मोठ्या अडचणीचा सामना करावा लागला. हि अडचण खळीचे ग्रामस्थ उत्तम रंगनाथ पवार यांनी ओळखली व ध्वजारोहणास उशीर होणाऱ्या शिक्षक व विद्यार्थी यांना तात्काळ आपल्या चालकाला सांगून ट्रॅक्टर उपलब्ध करून दिले. विद्यार्थी व शिक्षक यांना पाण्यातून दुसऱ्या बाजूला नेऊन सोडण्यात आले. झेंडावंदनासाठी उशीर होणाऱ्या शिक्षक व विद्यार्थ्यांनी ग्रामस्थ उत्तम पवार यांचे आभार मानले.

लोकनायक न्यूजसाठी गुणवंत कांबळे गंगाखेड, परभणी