Скачать или смотреть كرات اللحم السويدية || Swedish Meatballs

المقادير

٦ حبات بطاطس صغيرة
١/٤ كيلو لحمة مفرومة
١/٢ كوب بصل مفروم .. تقريبا بصلة متوسطة الحجم
بيضة
١/٢ كوب بقسماط ناعم
١/٤ ملعقة صغيرة قرفة بودرة و قرتفل بودرة مخلوطين مع بعض
١/٨ ملعقة صغيرة بودرة جوزة الطيب
ملح / فلفل أسود
٣/٤ كوب كريمة سايلة
١ مكعب مرقة دجاج .. نذوبها في كوب مويا مغلية
علبة فطر شرائح .. حسب الرغبة
١ ملعقة صغيرة شبت مفروم
٣ ملاعق كبيرة زبدة
٢ ملعقة كبيرة زيت زيتون

الطريقة

نغسل البطاطس مزبوط و نقشرها .. نقطها بالعرض شرايح مدورة .. و ما تكون عريضة مرة عشان تستوي معانا بسرعة
نعبي قدر كبير مويا و نحط فيه البطاطس و نملحها و نحطها علي نار متوسطة الين ما تستوي
دحين نبدأ الشغل على اللحمة .. حنكسر البيضة عليها و نضيفلها البقسماط و البصل و نبدأ نخلطهم أو نعجنهم مع بعض .. و بعدها نضيف البهارات اللي هيا الملح و الفلفل و القرفة و القرنفل و جوزة الطيب .. ممكن تستخدي قفازات إئا ما تحبي تمسكي اللحمة بيدك .. المهم حنعجنهم مع بعض الين ما نحس انو اللحمة صارت متماسكة و ممكن نسوي فيها كور .. لو حسيتي إنها ممكن تفك وقت القلي زودي بقسماط
نبدأ نكوّر اللحمة ( نسوي فيها كور) .. الكور يكون حجمها متوسط .. حنكوّرها باليدين عشان نضمن إنها تكون متماسكة مع بعض
حنصفي الفطر من المويا اللي في العلبة و نشوحه في طاوه على النار عشان ينشف شويا من المويا
نذوب الزبدة في طاوة كبيرة و نضيفلها زيت الزيتون و نقلي كور اللحمة .. طبعا نقليهم على دفعات .. عشان حرارة الزيت لا تقل و كلهم يتحمروا و يستووا في وقت واحد .. حنقليهم من ٣ إلى ٤ دقايق على كل جهة .. المهم في دي الخطوة انو اللحمة تاخد لون بني من كل الجهات
بعد ما نقلي كور اللحمة حننشفها من الزيت .. و نشيل الزيت الزياد من الطاوة ،، بعدين نرجعها في الطاوة تاني
نضيف مرقة الدجاج (اللي ذوبناها في مويا) والكريمة السايلة على اللحمة و نقلبها مع بعض
نضيف الفطر و الشبت و نقلب مره تانية
ننسيب اللحمة على تغلي على نار هادية لمدة ١٠ دقايق
بعد ما تستوي البطاطس و تخلص ال ١٠ دقايق حقت اللحمة نقدمهم على طو
و بـِ العافية على قلوبكم

بلوق الوصفات .. ♥

http://reamskitchen.wordpress.com

انستجرام .. ♥

  / reamskitchen  

تويتر .. ♥

  / reamskitchen  

صفحة الفيسبوك .. ♥

  / reamskitchen  

الايميل .. ♥

reamskitchen1@gmail.com

لا تنسو تسوو سبسكرايب للقناة و لايك للفيديو ..

و بالعافية على قلوبكم .. ♥