Скачать или смотреть كيك بذوق البرتقال /ادا عندك مشكل مع الكيك نعطيك السر الوحيد لي يخليه يجي طالع وخفيف والبنة خيالية👌

وصفة الكيك البرتقال طيبيه دوك يخلص في تقيقتو بنة ولا أروع ماتراطيوش الوصفة 🇩🇿🥰👌

مقادير بالميزان :
3 حبات بيض
180 غ سكر
2 غرام ملح
160 ملل عصير البرتقال
180 ملل زيت
10 غ بشور البرتقال
300 غ فرينة
10 غ خميرة كيميائية (كيس)

مقادير بالكاس :
حجم الكاس 250 ملل
3 حبات بيض
كاس غير ربع سكر
قرصة ملح
نصف كاس عصير البرتقال
كاس غير ربع زيت
بشور البرتقال تع حبة متوسطة
كاس ممسوح فرينة +كاس غير ربع
كيس خميرة كيميائية

طريقة التحضير:
في وعاء نحط السكر +البيض والقرصة ملح نخلط بالخلاط الكهربائي او الفوي لي مدة خمس دقائق حتى يطلع مليح الخليط ويصبح ابيضّ من بعد نزيد نحط عصير البرتقال+ بشور البرتقال +الزيت تدريجيا ونبق نخلط بالخلاط ونحط الفرينة + الكيس الخميرة ونقعد نخلط الخلاط الكهربائي نحطو في مول 27 على 11 لي كونت دهنتوا بالمارغرين او الزبدة نحط الخليط و
نخليه يرتاح 5 دقايق ونحطوا يطيب على درجة الحرارة 180 لي مدة ساعة تقريبا
كي يطيب ويكون سخون نحط الشربات البرتقال
كيفية تحضير الشربات البرتقال:
في كاسرونا نحطو كاس ماء +نصف كاس سكر + كاس عير ربع عصير البرتقال نخلوهم يطيبو فوق نار متوسطة كي يتغلا مليح وتشوفوه يبقيق زيدو 10 دقائق وطفي عليه وكي يبرد نحطوه فالكيك وهو ساخن
وشكرا

#حلويات_اقتصادية #حلويات #subscribe #اكسبلور #وصفات_سريعة #وصفات #وصفات_سهلة #وصفة #رمضان #food #كيك #كيكة_سهلة #كيك_سريع