Скачать или смотреть روس الشواهيق - حمود بن خلف & مهنا العتيبي - ياسايق اللكزس فدوك المطاليق 2026

يا سايق اللي فالبلد ما بعد سيق
دوبه وصل بـ اوراقه الجمركيه

اغلا من كنوز الذهب فالصناديق
وأربع رِزم من عملة الخمس ميّه

من يملكه ما يعرف الهمّ والضيق
وان ضاق صدره يضرب الجرهيديه

في شاشته شغِل جديد الطواريق
ولاّ اترك ابيات القصيده عليّه

حنا لحقنا فالليالي ملاحيق
متى نعيش العيشه المخمليه

ذقنا من ظروف الزمن شيّ ما ذيق
كنّ الحياه اتزفّنا .. للمنيه

قامت تحذف أحلامنا بالمجانيق
وأحلامنا مثل المشاعر نقيّه

يا سايق اللكزز فدوك المطافيق
من عاصمتنا نحّره .. للحويه

نصّه على اللي وثّق الطيب توثيق
وآسم فعول الطيب وسم المطيه

سالم فرق بالاسم بين المخاليق
والاسم يفرق بالفعول القويه

ترحيبه اللي يصدحه للمطاليق
من دافع التقدير والقابيله

أحلا من الفذّه على فكّة الريق
وأعذب من أنسام الفجوج الخليه

ركن القبيله، فالقبيله كما طويق
يزهاه بشتٍ فيه مذرا وفيّه

يفداه من بشته على المدح تسويق
ماهوب لا حوله ولا هو بـ زيّه

فـ متونه لهقوات ربعه معاليق
ياما ثنا من دونهم من قضيّه

في محفله عان البغاديد دنّيق
ما وقّفت من عصر والشمس حيّه

اخوانه اللي يحفظون المواثيق
يستاهلون المدح في كلّ هيّه

وعياله حزام السعد حزّة الضيق
اللٓه يرزقهم حياةٍ .. هنيّه

عادل وفيصل فوق روس الشواهيق
مثل الحرار الندّر الصيريميه

طاريهم يشوق المداغيش تشويق
بالصيت الابلج والكفوف النديّه

اللي يبّرق فالتواريخ تبريق
يلقى ذوي عالي سنام الهويه

بعزومهم تِفتح دروبٍ مغاليق
ويغلّقون اللازمه فـ ضحويه

الصفّ واحد ما يجي فيه تفريق
برقا وروق اهل الفخر والحميه

-

دعمكم بأشتراك + لايك ✅

لتصميم الشيلات او الاستفسارات :
WhatsApp : 0554252430