Скачать или смотреть ye ninnu dhooraka evvari dhoorudhu

ye ninnu dooraka evvari doorudu
ANNAMAYYA AKSHARA VEDAM EP -44
అన్నమయ్య అక్షర వేదం ..సంపుటి -- 44

(  ఏ నిన్ను దూరక.. ఎవ్వరి దూరుదు...??  )

🙏 *ఓం నమో వేంకటేశాయ*🙏

అందరికీ శుభ శనివారము ---
✍️ మీ వేణుగోపాల్

అన్నమయ్య అక్షర వేదం ..సంపుటి -- 44 కి శుభ స్వాగతం ..
✍️ మీ వేణుగోపాల్

ఇల్లును అప్పులగంప ,
ఇల్లాలు చలచిత్త,
పాన్పు నాగులపుట్ట ,వదినె జ్యేష్ఠ ,

గొల్ల పెంపుడుతల్లి , కోడలు రాగ
కూతురు పాఱుఁబోతు , ఆతురుఁడు సఖుఁడు,
మనుమఁడు తండ్రి కామకుఁడు కుమారుండు, క్షయరోగి మఱఁది వంచకుఁడు తండ్రి
అన్న పానఘనుండు నరయ నిష్టుఁడు పేఁడి,
వేసదారివి నీవు వేయునేల
ఇన్నియును నాదు నెమ్మది నెఱిఁగి యుండి కొలిచితిని మిమ్ము విశ్వాసగుణము దలఁచి
భద్రగిరివాస శ్రీరామభద్ర దాస-
పోషబిరుదాంక రఘుకులాంబుధి శశాంక
✍️ శ్రీ భద్రగిరి శతకము --- భల్లా పేరయ కవి

🌺ఓ నారాయణా ..నీ ఇల్లు ఒక అప్పుల ఊబి ,( తిరుమల వేంకటేశ్వరుడు )
నీ ఇల్లాలు  ( లక్ష్మీ దేవి ) అతి చంచల స్వభావి ఒక చోట స్థిరముగా ఉండదు కదా ,
నీవు సుఖించే పాన్పు పాముల గుట్ట,
మరి మీ వదినగారు జ్యేష్టాదేవి  ( శ్రీ మహాలక్ష్మి అక్క  దరిద్ర దేవత ) వారు మాకేమి సహాయ పడగలరు ,
మరి మీ తల్లిగారు ఏమో గొల్లల  గోకులంలో పెంపుడు తల్లి ఆయె  ( యశోద ) ,
మీ కుతురు అడ్డు అదుపు లేని గమనంతో సాగే గంగ ,
అమితమైన దారిద్ర్యముతో ఆతురుడైన వాడు తమరి స్నేహితుడు ( కుచేలుడు ),
మీ మరిది గారు క్షయరోగి శాపగ్రస్తుడు ( చంద్రుడు ...లక్ష్మీ దేవి సహోదరుడు పున్నమి నుండీ అమావాస్య వరకూ క్షీణించే వాడు ) ,
మీ మనుమడు బ్రహ్మపుత్రుడు అతి కాముకుడు గా పేరు గడించిన వాడు ( మన్మధుడు ).
మరి నీవు కూడా తక్కువేమి కాదులే ..అన్న పాన నైవేద్యాలలతో ఘనమైన విలాస పురుషుడివి,
మరి ఇన్ని వేషములు వేసినా , నిన్నే ..నేను మదిలో స్థిరముగా తలచి కొలిచినాను కదా ,
హరిదాస పోషక అని బిరుదు ఉందికదా , అది నిలబెట్టుకోవటానికైనా నాపై దయచూపి నన్నేలు తండ్రి.🙏

ఎందరో భక్తాగ్రేసరులు అపారమైన ఆర్తితో స్వామిని నిందా స్తుతి చేసినప్పటికీ , చివరకు శరణాగతియే పరమార్ధమని మన అందరికీ స్ఫురణకు తీసుకు వచ్చారు .🙏

ఇదేకోవలో అన్నమయ్య కూడా స్వామిని అడుగుతున్నాడు ఆక్షేపిస్తూ .

మరి ఈ చక్కటి సంకీర్తన అర్ధము తెలుసుకుని పాడుకుందామా...🙏

🌺ఓ స్వామి నేను ...నిన్ను తప్ప ఎవరిని నిందించగలను,?🙏

ఎవరిని ప్రశ్నించగలను? ,ఎవరిని తప్పు పట్టగలను .?🙏

నాకు అన్నీ నీవే అయి ఉన్నావు కదా , కావున నిన్నే ఆడుగుతున్నాను .🙏

🌺నేను నీ వాడిని .నన్ను ఎందుకు ఇలా వదిలేశావు ?🙏

🌺నన్ను ఎందుకు నీ ఆధీనములో ఉంచుకోవటము లేదు ?🙏

🌺నన్ను ఎందుకు నీవానిగా ఏలుకోవు ??🙏

🌺నేను అపరాధినే .ఈ భౌతిక జీవనములో అనేక తప్పులు చేస్తున్నాను .అందుకే మిక్కిలి భయపడుతూ నీకు శరణని వేడుకుంటున్నాను కదా? .🙏

🌺ఇక మరి నా తప్పులనే ఎంచుతూ నన్ను ఎందుకు కాచుటలేదు ?🙏

🌺నీవు మోక్షరూపుడవూ...
దయాసాగరుడవూ కదా ?🙏

🌺ఓ తిరువేంకటాచలపతి నన్ను ఎందుకు కాపాడుకోవు ?🙏

🌺నేను ఘనమైన పాపములు చేసిన వాడినే .అంతరంగాన అందుకు చింతిస్తూ నీ కరుణ కోసమే ప్రార్ధిస్తున్నానుకదా ?🙏

🌺సదా నా ఆత్మలో విహరించమని ,తద్వారా నా పాపములను ప్రక్షాళన చేయమని వేడుకుంటున్నానుకదా ?🙏

🌺ఇక నన్ను దూరము పెట్టుటకు ,కారణములు వెతకకు.
నన్ను కాచుటకు ,  నీ దయకు ఏమి తక్కువయ్యింది స్వామి ?🙏

🌺నీవు దోషరహితుడవూ,
చిన్మయానంద స్వరూపుడవూ కదా ?🙏

🌺ఓ తిరువేంకటాధిపా నా మనవి ఆలకించి నీ దరి చేర్చుకో.🙏🙏🙏

తాత్పర్య సహిత దృశ్య మాలికగా మీకు అందించాలన్ననా చిన్న ప్రయత్నమును ఆశీర్వదిస్తారని ఆశిస్తూ..
దోషములున్న...మన్నించమని విన్నపము...🙏🙏🌺

( *అన్నమయ్య అక్షర వేదం --- సంపుటి 44*)

-- ✍️ మీ వేణుగోపాల్

🌺🌺 *సంకీర్తన*🌺🌺


ఏ నిన్ను దూరక నెవ్వరి దూరుదు

నీవాని నన్నొకయింత వదలక నను నేలవలదా ||

చ|| అపరాధిగనక నన్నరసి కావుమని |

అపరిమితపు భయమంది నీకు శరణంటిగాక |

నెపములేక నన్ను నీదు గావగనేల |

అపవర్గరూప దయాంబుధి తిరువేంకటాధిపా ||

చ|| ఘనపాపిగనక నీకరుణ గోరి

నీవనవరతము నాయాతును విహరించమంటిగాక |

యెనసి నన్ను గాచుటేమి యరుదు నీకు- |

అనఘుడ పరమతత్త్వానంద తిరువేంకటాధిప |