Dil say gham e Hussain na ho kum Khuda karay - Ali Rizvi Sachay

Noha - Dil say gham e Hussain na ho kum Khuda karay - Ali Rizvi Sachay and Team
Dil Se Ghamay Husain Na Ho Kum Khuda Karay
Lay Jaaon Mein Lehed Mein, Yehi Gham Khuda Karay

Phelay Nishaan Hazratay Abbas Ki Zia
Saaray Jahaan Pe Chaaye, Ye Parcham Khuda Karay

Hubbay Ali Ho Dil Mein Zaban Par Ho Ya Husain
Jab Waqtay Nazaa Niklay, Mera Dum Khuda Karay

Dar Dar Ke Keh Rahay Tha Ye Aapas Mein Sab La'een
Abbas Hon Na Neher Pe, Barham Khuda Karay

Akbar Ne Sheh Ke Saamnay Tora Tha Jaise Dum
Koyi Pidar Na Dekhay, Ye Aalam Khuda Karay

Khaimay Mein Kar Rahi Theen Sakina Yehi Dua
Aajayein Khairiyat Se, Mere Amm Khuda Karay

Akbar Palat Ke Aayein Ye Sughra Ki Thi Dua
Phir Bhai Aur Behen Milein, Baaham Khuda Karay

Ye Kehke Khatm Karlo Mujahid Salam Ko
Hota Rahay Husain Ka, Matam Khuda Karay