Скачать или смотреть कृषीक्षेत्रातील महिलांची यशोगाथा - शेतीतील नवदुर्गा ! सौ. वैशाली मुरलीधर उदार

सौ. वैशाली मुरलीधर उदार, कोणे, ता. त्र्यंबक, जि. नाशिक

माहेरची परिस्थिती अत्यंत हलाखीची होती. परिस्थितीत सुधारणा झाल्यानंतर २००५ साली त्यांचा विवाह झाला. सासरकडील मंडळींनी योग्य तो पाठिंबा दिला.

शेतीचे क्षेत्रफळ कमी असल्याने व मुलांचे शिक्षण व्यवस्थित व्हावे या उद्देशाने त्यांनी नवीन व्यवसायाचा विचार केला. २०२० साली यशवंतराव चव्हाण महाराष्ट्र कृषी विद्यापीठ, नाशिक येथे मशरूम उत्पादनाचे प्रशिक्षण घेतले. प्रशिक्षण पूर्ण झाल्यानंतर त्यांनी चिकाटी आणि जिद्दीने या क्षेत्रात कार्य करण्यास सुरुवात केली.

सुरुवातीला घरच्या घरी फक्त १० बेड तयार करून मशरूम उत्पादनास प्रारंभ केला. यशस्वी प्रयोगानंतर व्यवसाय मोठ्या प्रमाणात करण्यासाठी त्यांनी मानव विकास संस्थेमार्फत शेड उभारणी केली. आज त्या एका बॅचमध्ये सुमारे ४०० बेड तयार करून मशरूम उत्पादन करतात.

शेतीला पूरक असा हा व्यवसाय कमी जागेत अधिक उत्पन्न देणारा आहे. मशरूम उत्पादनाबरोबरच त्या रेडी टू बेड विक्री करूनही अतिरिक्त उत्पन्न मिळवतात.

अशा साधारण शेतकरी कुटुंबातील मशरूम उत्पादक महिलेला ओम गायत्री समूहाचा मानाचा सलाम.🙏🌱