Скачать или смотреть कृषीक्षेत्रातील महिलांची यशोगाथा - शेतीतील नवदुर्गा ! सौ. अनिता गोरखनाथ निकम

अनिता ताईंचे ब्रीदवाक्य :- "स्त्री जन्म ही तुझी कहाणी, नयनी पाणी, हृदय अमृत"! 🌸

सौ. अनिता गोरखनाथ निकम (सावरगांव, ता. येवला, जि. नाशिक)

या गृहिणी असून त्यांचे शिक्षण १२ वी पर्यंत झाले आहे. घरची जबाबदारी सांभाळत त्यांनी १३ एकर कोरडवाहू शेतीमध्ये पाऊल टाकले. त्यांच्या प्रवासात सासूबाई आणि पती यांची मोलाची साथ लाभली. शेतात सतत नवीन तंत्रज्ञान वापरण्याचा त्यांनी ध्यास घेतला. शेततळे तयार करून त्यांनी पाणी साठवणुकीची सोय केली आणि पिकांमध्ये शेवगा, बटाटा, आलं, शिमला मिरची अशा बहुविध पिकांचा समावेश केला.

"ओम गायत्री" नर्सरीमध्ये जाऊन स्वतः बुकिंग करून शिमला मिरचीची रोपे विकत घेतली. त्या जैविक व सेंद्रिय शेतीला प्राधान्य देतात. २०१३ पासून विविध कृषी प्रदर्शनांना भेट देऊन त्यांनी शेतातील ज्ञानवर्धन केले.

"१ दाणा टाकला तर १० दाणे मिळतील" या विचारातून त्यांनी मेहनतीचा खरा अर्थ समजावून दिला.
तसेच महिला भगिनींसाठी मोलाचा संदेश देत त्यांनी धैर्य आणि चिकाटीची प्रेरणादायी कहाणी निर्माण केली.

अशा नवनवीन तंत्रज्ञानाचा वापर करत असलेल्या शेतकरी महिलेला ओम गायत्री समूहाचा मानाचा सलाम! 🌸🙏