ජුබිලි ගීතය තලවිල - 250th Jubilee Anniversary Song Thalawila (st.anne's sinhala song)

බෙර හඬ නංවා ජය සක් පිඹලා
රබන් සුරල් වයමු
සත්සර මුසු කරලා ගී පද ගොතලා
ඔබ පසසා ගයමු

සාගර නිල්ලේ එන මද සුළගේ
වෙහෙස නිවා ලන්නේ
කුරුළු කොබෙයියන් බැතිබර හඬකින්
ගීත නාද දෙන්නේ
සුදු මුදු වැල්ලේ නුග සෙවණැල්ලේ
ගත සිත පුබුදන්නේ
තලවිල පුදබිම මංගල සිරියෙන්
ඔකඳ වෙලා අම්මේ

සාන්ත ආනා මෑණියනී
තලවිල පුදබිම රැජීණීයනී
ජය ජය මංගල වේ මව්නී
දෙසිය පනස්වන ජුබිලි දිනේ

අහසේ ඉහිරුණු තරුමල් වාගේ
පුදබිමේ ඇතිරුණු වැලිකැට වාගේ
සයුරේ ඉපිළෙන රළ පෙළ වාගේ
නිමක් නැතේ ඔබ සෙනෙහස අම්මේ
සාන්ත ආනා මෑණියනේ

දෙසිය පනස් වසරක දිගු කාලේ
රඳවා දහසක් ඔබ සළු සෙවනේ
හඬන දනන් කිතු සමිඳු තුරුල්ලේ
සැනසුවෙ ඔබමයි ආදර අම්මේ
සාන්ත ආනා මෑණියනේ

ජාතිය ආගම නැහැ කුල භේදේ
සිරිලක දරුවෙමු එක අම්මාගේ
සොයුරු දමින් හැම බැඳිලා මෙලෙසේ
දෙව් අසිරිය අපි පතමුය අම්මේ
සාන්ත ආනා මෑණියනේ

පද රචනය : ගරු ෆ්‍රෑන්ක් තිසේරා පියතුමා/ Rev.Fr.Frank Tissera
තනු නිර්මාණය : ගරු ශිරාන් චාමක පියතුමා/ Rev.Fr. Shiran Chamaka
සංගීත අධ්‍යක්ෂණය : ලසන්ත ප්‍රනාන්දු/Lassanata Fernando
නිර්මාණය : මනෝජ් දිවන්ක/ Manoj Divanka
  / manoj.divanka