Khit Thit သတင်းဌာန၏ ဩဂုတ် ၆ ရက် နေ့လယ်ပိုင်း ရုပ်သံသတင်းအစီအစဉ်

Khit Thit သတင်းဌာန၏ ဩဂုတ် ၆ ရက် နေ့လယ်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဩဂုတ် ၆ ရက် နေ့လယ်ပိုင်း တင်ဆက်ပေးမယ့် သတင်းတွေကတော့

- နေပြည်တော် နဲ့ ရန်ကုန်မြို့တော်ခန်းမမှာ အကြမ်းဖက်စစ်တပ် ထောက်ခံပွဲ နဲ့ MNDAA ဆန့်ကျင်ပွဲ ပြုလုပ်ဖို့ နေ့စားခရတဲ့ စစ်တပ်ထောက်ခံသူတွေ ၊ မဘသနဲ့ အမျိုးသားရေးအစွန်းရောက်တွေ ဟာ ဒီကနေ့ မနက်ပိုင်းကစပြီး စတင်စုဝေးနေပြန်တယ်လို့ ရန်ကုန် နဲ့ နေပြည်တော်မြို့ခံတွေက ရန်ကုန်ခေတ်သစ်ကို ပြောပါတယ်။

- လားရှိုးမြို့က ကုတင် ၁၀၀ စစ်ဆေးရုံကို MNDAA တပ်ဖွဲ့က တိုက်ခိုက်မှုမရှိဘဲ စစ်တပ်က လေကြောင်း ကနေ ဗုံးကျဲတိုက်ခိုက်ခဲ့တာဖြစ်တယ်လို့ စစ်တပ်ဆရာဝန်တွေက ဝန်ခံ ထွက်ဆိုထားပြီး ၊ MNDAA တပ်တွေက စစ်သားတွေ ၊ စစ်သားမိသားစုတွေအပြင် ဆရာဝန်တွေရော သူနာပြုတွေအကုန်လုံးကိုပါ ကောင်းကောင်းမွန်မွန်ရွှေ့ပြောင်းပေးခဲ့တယ်လို့ စစ်တပ် အရိုးအထူးကု ပါရဂူဆရာဝန်က ဝန်ခံ ထွက်ဆိုထားပါတယ်။

- ထန်တလန်မြို့က အကြမ်းဖက် စစ်ကောင်စီရဲ့ မြို့စောင့်တပ် ခလရ ၂၆၉ စခန်းကုန်းကို ချင်းတော်လှန်ရေးတပ်တွေက အပြီးသတ် သိမ်းပိုက်ပြီးတဲ့နောက်မှာပဲ လက်နက်ခဲယမ်း အမြောက်အများကို သိမ်းဆည်း ရရှိထားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။