Скачать или смотреть ድርሳነ ቄርሎስ ከምዕራፍ 64 እስከ ምዕራፍ 79

🌻 ድርሳነ ቄርሎስ ክፍል ፰ 🌻
🌻ምዕራፍ ፷፬
ክርስቶስን ከትንሣኤ አስቀድሞ ምንም በግዘፍ ብናውቀው ከትንሣኤ በኋላ በግዘፍ እንዳለ አናውቅም። ሥጋ ከተዋሕዶ በኋላ የመለኮት ክብር ሥልጣን ሁሉ በተዋሕዶ ገንዘቡ ነው። እግዚአብሔር በነቢያት አድሮ አስተማረ።
🌻ምዕራፍ ፷፭
ከእመቤታችን ከድንግል ማርያም በሥጋ የተወለደ ክርስቶስ ወልደ እጓለ እመሕያው (የሰው ልጅ) ተባለ። ይኸውም የባሕርይ አምላክ ነው።
🌻ምዕራፍ ፷፮
ክርስቶስ ሕይወት ወሀቤ ሕይወት (ሕይወትን የሚሰጥ) እንደሆነ እንናገራለን። የክርስቶስ ሥጋ የክርስቶስ ደም ያድናል።
🌻ምዕራፍ ፷፯
ቃል ያልተለወጠ ሥጋን ተዋሕዷል። ክርስቶስን ከጌትነት ልዩ ነው የሚል ሐሰተኛ መምህር ነው። ኢየሱስ የባሕርይ አምላክ እንደሆነ ያመነ ሰው ዓለምን ድል ይነሣል።
🌻ምዕራፍ ፷፰
ክርስቶስ ሁለንተናው ሕይወት እንደሆነ ያስረዳ ዘንድ አልዓዛርን በቃሉ አስነሣው። ወለተ ኢያኢሮስን እጇን ይዞ አስነሣት። የቃል ከሥጋ መዋሐድ በኩነት ነው እንጂ በኅድረት አይደለም። ክርስቶስ በሥራው ሁሉ አብን መሰለው። ቃል ሥጋን በተዋሐደ ጊዜ ሥጋ አብን መስሎ ተገኘ። በክርስቶስ ድነናል ከብረናል። ዐዋቆች ሁነናል።
🌻ምዕራፍ ፷፱
በእርሱ (በክርስቶስ) ደም፣ በእርሱ ሞት፣ በእርሱ ሰው መሆን እንጂ በሌላ ዓለም ይድን ዘንድ ባይቻል በፈቃዱ ሰው ሆነ። አሁንም የምንድን በክርስቶስ ነው። ዳግማዊ አዳም ክርስቶስ ከሞት ወደሕይወት መለሰን። በኦሪት የነበረውን ፍዳ መርገም የክርስቶስ ሞት አጠፋልን። የክርስቶስ ሕማሙ ሞቱ ለዓለም መድኃኒት ሆነ።
🥀ምዕራፍ ፸
በክሕደት የነበሩትን የክርስቶስ ደም አቀረባቸው። በፍዳ ተይዘን ለነበርን በሥጋው በደሙ ድኅነት ተሰጠችን። በኦሪት የነበረ ፍዳ መርገም በክርስቶስ ጠፋልን። የክርስቶስ ሕማሙ ሞቱ የዓለሙ መድኃኒት ሆነ። ክርስቶስ የባሕርይ አምላክ በመሆኑ በሥጋው በደሙ አከበረን። በሥጋው በደሙ አዳነን። በሞቱ ሞትን አራቀልን።
🥀ምዕራፍ ፸፩
ክርስቶስ ስለእኛ ሞተልን። በሥጋ ስለእኛ መከራ ተቀበለ። የሁሉ ቤዛ አድርጎ ሥጋውን ለሞት ሰጠልን። በባሕርዩ ሕማም ሞት የሌለበት ቃል በሥጋ ታመመ። በመለኮቱ ሕማም የሌለበት በሰውነቱ ግን የታመመ ክርስቶስ የባሕርይ አምላክ ነው። ታሞ ሙቶ ዓለሙን ማዳን ለእግዚአብሔር ይገባዋል።
🥀ምዕራፍ ፸፪
የሚዋጋን ፈቃደ ሥጋ በክርስቶስ ጠፋልን። የኃጢአት ሥራ ሁሉ በእርሱ ጠፋ። የቃል ሰው መሆን ያማረ ነው። ቃል ሥጋን እንደተዋሐደ የተናገርነው ነገር ያማረ የተወደደ ነው። ከአብ ባሕርይ የተገኘ ቃል በባሕርየ መለኮቱ ያይደለ በሥጋ ታመመ። የታመመች የሞተች ሥጋ የእርሱ ገንዘብ ናትና። በክርስቶስ ትንሣኤ እናምናለን።
🥀ምዕራፍ ፸፫
ቃል ሥጋን ስለተዋሐደ የባሕርይ አምላክነቱን አልለቀቀም። ክርስቶስ የባሕርይ አምላክ እንደመሆኑ ባዕለ ጸጋ ሲሆን በሥጋ ነድየ ተባለ። የባሕርይ አምላክ እንደመሆኑ እኛን የሚያከብር ክቡር ፍጹም አምላክ ነው። ሰው እንደመሆኑ ነድየ ተትሕተ ተባለ። በእርሱ ንዴት እኛ እንከብር ዘንድ ልዑል ሲሆን ተትሕተ ተባለ። በእርሱ ሕማም ሞት እኛ እንድን ዘንድ ሕያው ሲሆን ሞተ ሐመ ተባለ።
🥀ምዕራፍ ፸፬
ክርስቶስ እንደኛ ያለ ዕሩቅ ብእሲ አይደለም። ሰው የሆነ አምላክ አምላክ የሆነ ሰው ነው እንጂ። ቃል በሥጋ ከእመቤታችን ተወለደ።
🥀ምዕራፍ ፸፭
ክርስቶስ ከሁለት ተገኝቶ አንድ የሆነ ነው። ቃል አብን በመምሰል በመተካከል ያለ እንደሆነ ዕወቅ። የባሕርይ አምላክ እርሱ ሰው ሆነ። ሥጋን በአምላክነት ክብር አከበረው። የሥጋ ባሕርይ ከበረ ሊሉ ይገባል። የቃል ባሕርይ ከበረ ሊሉ አይገባም። ክርስቶስ በኵረ ትንሣኤ ነው። አንዱ ክርስቶስ ፍጹም አምላክ ነው ፍጹም ሰው ነው።
🥀ምዕራፍ ፸፮
ዋሕድ ቃል ከአብ ጋራ እግዚአ ኵሉ እንደሆነ እናምናለን። ሰው ቢሆን ወራሲ ተባለ። በቃል ክብር መክበር ለሥጋ ተገባው። የቃል ክብር ለሥጋ ክብር ሆነው። ክርስቶስ ሰው እንደመሆኑ በሥጋ ከበረ ተባለ። የሃይማኖት ፍጻሜ በክርስቶስ ማመን ነው።
🥀ምዕራፍ ፸፯
ቃል ዓለምን የፈጠረ የባሕርይ አምላክ ሲሆን በሥጋ መጣ ማለት ሥጋን ተዋሐደ። ሰውም ቢሆን ከጌትነቱ አልተለየም።
🥀ምዕራፍ ፸፰
ሥጋ የተገኘ ከእመቤታችን ሲሆን ክርስቶስን ከሰማይ የወረደ እንጀራ ለምን አለው? ከተባለ ሥጋ ከሰማይ የወረደ የቃል ገንዘብ ሆኗልና ነው። ዘዚኣሁ ለሥጋ ኮነ ለቃል። የሥጋ ገንዘብ ለቃል ሆነ። ወእንቲኣሁ ለቃል ኮነ ለሥጋ። የቃል ገንዘብ ለሥጋ ሆነ። ሙሴ የሰቀለው የነሐስ እባብ የክርስቶስ ምሳሌ ስለነበር ያየው ሁሉ ይድን ነበር።
🥀ምዕራፍ ፸፱
ወልድ በባሕርዩ ከአብ ባሕርይ ተወለደ። ስለዚህም አብ ለወልድ የባሕርይ አባቱ ነው። ክርስቶስ ከሥጋ ባሕርይ ከመለኮት ባሕርይ ተገኝቶ አንድ አካል አንድ ባሕርይ እንደሆነ ይታወቃል።