དོལ་པོའི་གླུ་བ་ཤིང་སྨིན་ཨ་ཅོ་ནོར་བུ།།

དོལ་པོའི་འཚོ་བའི་སྐོར།
དོལ་པོའི་འཚོ་བ་དཀའ་ངལ་ཤིན་དའདུ་ཆེ།
བསོད་ནམས་ཞིང་ལས་དཀའ་ངལ་ཤིན་དུ་ཆེ།
ཆུ་མོ་ཡུར་རིའི་ནང་ལ་དྲང་ཞེས་ན།
ཉིན་མཚན་དབྱེ་བ་མེད་པར་ཞིང་མོ་མཅུས།།
གཡག་པོ་རི་ལ་ཡོད་དུས་ཞིང་ཁར་བཀུག།།
རང་དབང་མེད་པའི་སྐེ་ལ་གཉའ་ཤིང་བརྒྱབ།།
སྦྲང་རྩི་མེད་པའི་འབུ་གྲོག་ས་ཞིང་སྟེང་།།
སྙིང་རྗེ་མེད་པའི་ས་ནག་མགོ་འཇུག་སློག།།
སོ་སོའི་དཀའ་ངལ་བརྒྱབ་པའི་འབྲས་བུ་སྟེ།
སྟོན་ཀར་སེར་ཏོག་ལྟེམ་ལྟེམ་ངོ་མཚར་ཆེ།


    ཡུལ་ལྗོངས་ཤིང་སྨིན།
ཡུལ་ལྗོངས་གཉིས་ཀྱི་དབར་ལ་ལེ།།

སློབ་གྲྭའི་རྩ་བ་ཚུགས་སོ།།
ཚེ་རིང་སྒྲོལ་མའི་བཀའ་ལ་དྲོན།།
སློབ་གྲྭ་དར་མཞིན་རྒྱས་སོ།།
སློབ་ཁང་པདྨའི་མེ་ཏོག་འདྲ།།
ཤིང་ནགས་སྣ་མི་སྣ་ཚོགས།།
ཤིང་ནགས་དེ་ཡི་ཡལ་འདབ་ལ།།
ཁུ་ཡུག་གསུང་སྐད་སྙན་བྱུང་།།
སློབ་ཕྲུག་དེ་ཡི་གླུུ་དབྱངས་།།
རི་ལུང་མེད་པར་ཁྱབ་སུང་།།
འཛོམས་པའི་ཡུལ་མི་རྣམས་པ།།
ཡང་ཡང་འཛོམས་པའི་སྨོན་ལམ་ཞུ།།

             ནམ་དུས་སྐོར།
སོ་འོོ་་་ནམ་ལ་སོས་ཀ་ཚེས་པའི་དུས་བཟང་ལ།།
ལྷོ་རོང་ཁུ་ཡུག་སྔོན་མོ་སྒྲོན་དུ་ཕེབས།།
སོ་འོོ་་་ལྕང་མ་སྨུག་ཁྲའི་གསེང་ནས་གཅི་བ་ཡི།།
གསུང་སྐད་རྣ་བར་ཐོས་དུས་སྣང་བ་སྐྱིད།།

སོ་འོོ་་་་་ནམ་ལ་དབྱར་ཁ་ཚེས་པའི་དུས་བཟང་འདིར།།
གཡུ་གཞོང་གྲུ་བཞི་ནང་དུ་སྨན་ཆུང་མ།།
སོ་འོོ་་་་་་མགོ་དཀྲིས་དམར་པོ་བཅིངས་ཏེ་འཕྱི་མིག་གིས།།
བརྩེ་བའི་འཛུམས་མདངས་ངང་ནས་ཡུར་མ་ཡུར།

སོ་འོོ་་་་ནམ་ལ་སྟོན་ཀ་ཚེས་བའི་དུས་བཟང་ལ།།
གསེར་གཞོང་ནང་ནས་ལོ་ཡག་སྙེ་མ་ལྡེམ།
སོ་འོོ་་་་དེ་ལ་རྟེན་པའི་མགོ་ནག་སྤུ་ནག་གི།།
འཚོ་བའི་རྩྭ་ཆུ་བཟང་བའི་དུས་དེ་དགའ།།

སོ་འོོ་་་་་ནམ་ལ་དགུན་ཁ་ཚེས་པའི་དུས་བཟང་འདིར།
ནམ་མཁའི་མེ་ཏོག་ཕ་སའི་ཁ་ལ་བབས།།
སོ་འོོ་་་་་དུང་དཀར་འདྲ་བའི་ཁང་ཆུང་གྲུ་བཞིའི་ནང་།།
འཇམ་དྲོད་ལྡན་པའི་ཚ་བའི་གོས་དེ་དྲན།།

སོ་འོོ་་་་་དུས་བཞི་འགྱུར་བ་བཀྲ་བའི་ཕ་ས་སྟེ།།
ཀུན་མཁྱེན་དོལ་པོ་པ་ཡི་འཁྲུངས་ཡུལ་ཡིན།།
སོ་འོོ་་་་་་མ་ཎི་དབྱངས་ལྟར་འགུག་པའི་གངས་ཕྲུག་འཚོ།།
སྐྱེ་ཆེན་དམ་པ་ཁྱེད་ཀྱི་འདུལ་བྱ་ཡིན།།

སོ་འོོ་་་དད་ལྡན་ཡུལ་མི་ང་འཚོའི་སེམས་ཁུངས་སུ།།
བླ་མ་ཁྱེད་ཀྱི་མཛད་པ་འཕྲིན་ལས་དྲན།།