Скачать или смотреть Invasive species

கோடைக்கால சுற்றுச்சூழல் பயிற்சி முகாம் விருதுநகர் மாவட்டம்

இளம் பசுமை ஆர்வலர் திட்டம்.
விருதுநகர் மாவட்டம்

இன்று மனித குலத்தையே அச்சத்திற்கு உள்ளாக்கி இருப்பது காலநிலை மாற்றம். மாறிவரும் தட்பவெப்ப காரணிகளால் மனித குலம் மட்டுமல்ல இன்ன பிற எல்லா உயிரினங்களுக்கும் நடந்த மற்றும் நடக்க இருக்கிற பேரிடர்களுக்கு மத்தியில் வாழ்வை அமைத்துக் கொள்வதில் மிகப்பெரிய சிக்கல்களும் சவால்களும் நிறைந்துள்ளன. மேலும் கண்ணுக்குத் தெரிந்தும் தெரியாமலும் பல மாற்றங்கள் சுற்றுச்சூழலில் தொடர்ந்து நடந்தேறி வருகின்றன மனித செயல்பாடுகளால். இனியும் காலம் தாழ்த்தாமல் காலநிலை மாற்றத்திற்கு எதிரான போரில் நாம் அனைவரும் கைகோர்க்க வேண்டும்.
இதற்கான தீர்வாக விருதுநகர் மாவட்டத்தில் முதன் முறையாக இளம் பசுமை ஆர்வலர் சிறப்பு திட்டத்தினை மதிப்புமிகு மாவட்ட ஆட்சியர் முனைவர் வீ.ப.ஜெயசீலன் இ.ஆ.ப அவர்கள் தொடங்கியுள்ளார்கள்.இந்த சூழியல் பயணத்தில் பள்ளி கல்லூரி மாணவர்களுக்கு விழிப்புணர்வு வகுப்புகள் மற்றும் களப்பயணங்கள் சென்று வருகின்றனர். இந்த கல்வியாண்டில்(2024-2025) 6000 பள்ளி மாணவர்களுக்கு சூழலியல் பயிற்சி வழங்க மாவட்ட நிர்வாகம் மற்றும் பள்ளி கல்வி துறை இதனை சீரிய முறையில் செயல்படுத்தி வருகின்றனர். சுற்றுச்சூழலில் விருப்பமுள்ள ஆசிரியர்களை திருமதி அனிதா அவர்கள் மாவட்ட வழங்கல் மற்றும் நுகர்வோர் பாதுகாப்பு அலுவலர் தலைமையில் தேர்ந்தெடுக்கப்பட்டு இரண்டு கட்ட பயிற்சிகள் 30 பள்ளி ஆசிரியர்களுக்கும், தன்னார்வ அமைப்புகளுக்கும், ROAR மற்றும் ATREE சுற்றுச்சூழல் அமைப்புகள் மூலம் ராஜபாளையம் மற்றும் மணிமுத்தாறு ஆகிய இடங்களில் வழங்கப்பட்டது.
மாவட்டத்தில் நான்கு இடங்களில் ஒவ்வொரு வாரம் சனிக்கிழமைகளில் 50 மாணவர்கள் வீதம் மொத்தம் 200 மாணவர்களுக்கு பறவைகள் காணுதல் தொடங்கி பூச்சிகள் மற்றும் மரங்கள் காடுகள் பற்றிய சூழலியல் வகுப்புகளையும் களப்பணிகளையும் அளித்து வருவது மகிழ்ச்சி அளிக்கிறது. குல்லூர்சந்தை நீர்த்தேக்கம், ராம்கோ சுற்றுச்சூழல் பூங்கா, தாணிப்பாறை, செண்பகத்தோப்பு சாம்பல் நிற அணில்கள் சரணாலயம் போன்ற இடங்களுக்கு அழைத்துச் சென்று நேரடி கள அனுபவங்களை சூழலியல் கருத்தாளர்கள் மற்றும் இயற்கை சார்ந்த ஆளுமைகள் கொண்டு பகிரப்பட்டு வருகின்றது.
நமது மாவட்ட நிர்வாகத்தின் புது முயற்சியாக பசுமை சாம்பியன் மற்றும் ஆசிரியர்கள் என்ற புதிய திட்டத்தை மாவட்ட ஆட்சித் தலைவர் அவர்கள் தமிழ்நாட்டில் முதன்முறையாக அறிமுகப்படுத்தி செயல்படுத்தி வருவது இயற்கை சார்ந்து இயங்கும் சமூக செயற்பாட்டாளர்களால் பாராட்டப்பட்டு வருவது குறிப்பிடத்தக்கது .
இப்பயிற்சியானது காலை ஏழு மணிக்கு பறவை காணுதலில் தொடங்கி பல்வேறு ஆளுமைகளை கொண்டு பயிற்சிகள் மாலை ஐந்து முப்பது மணிக்கு முடிவடைகிறது. இந்நிகழ்வில் மாணவர்களுக்கு பயிற்சி கையேடு சிற்றுண்டி மதிய உணவு வழங்கப்பட்டு சான்றிதழ் மற்றும் சிறந்து விளங்கும் மாணவர்களுக்கு ஐந்து நாள் களப்பயணங்களை மாவட்ட சுற்றுச்சூழல் ஒருங்கிணைப்பாளர் மற்றும் கல்வித்துறை- மாவட்ட ஆட்சியர் நேரடி தொடர்பு அலுவலர் அவர்களும் ஒருங்கிணைத்து வழங்கி வருகின்றனர்.
மேலும் VHNSN கல்லூரி விருதுநகர், SRNM கல்லூரி சாத்தூர், செளடாம்பிகை பொறியியல் கல்லூரி அருப்புக்கோட்டை, ராம்கோ பொறியியல் கல்லூரி ராசபாளையம் ஆகிய நான்கு இடங்களில் நடந்து வரும் இந்நிகழ்வில் இயற்கை ஆர்வலர்கள், கருத்தாளர்கள் கல்லூரி மாணவர்கள் மற்றும் பொதுமக்கள் அனைவரும் கலந்து கொண்டு பயன்பெறலாம். குழந்தைகளின் உற்று நோக்கும் பண்பை சுற்றுச்சூழல் நோக்கி நகர்த்தி அவர்களையே களப்பணிகளில் ஈடுபட செய்து உலகை மாற்றும் உன்னத செயலில் நீங்களும் இணைவீர்கள் என்று நம்புகிறோம்.

சூழல்காப்போம்! தேசம் காப்போம்!

நன்றி!

சூழலியலாளர்,
இளம் பசுமை ஆர்வலர் திட்ட பயிற்றுநர்
முத்துகிருஷ்ணன்.க
.
9629769717