DD News Mizoram - Chanchinthar | 30 August 2024 | 6:30 PM

HEADLINES:

1. Transport Minister Pu Vanlalhlana'n lirthei endikna leh certificate pawimawhte pekchhuahna tur Inspection & Certification Centre, Hlimen chu Mizoram tana hmasawnna ruhrel pawimawh tak tur a nih thu a sawi.

2. LAD Minister Pu C Lalsawivunga'n ‘The Mizoram (Village Councils) Bill, 2024’ chu khawtlang tihhmawsawn nana inkaihhruaina tur a nih dawn avangin uluk taka zirchian leh sawiho a pawimawh thu a sawi.

3. Sports Minister Pu Lalnghinglova Hmar chuan sports chu India ram tihhmingthatna hmanrua ni thei turin a ram pum anga inher rem a tul tih Sport India Conference, 2024 hawnnaah a sawi.

4. LESDE Minister Pu Lalnghinglova Hmar chuan nimin tlai khan Sorkar laipuia Ministry of Skill Development and Entrepreneurship (MSDE) Secretary Atul Kumar Tiwari kawmin Mizorama skill development hmasawnna tur kawng hrang hrang a sawipui.

5. Huaisen lawmman Sarvottam Jeevan Rashak Padak Award chu Anthony Vanmawia (Fam), kum 11, Tuirial Tlangveng hnenah mahni nunna hlana a nau tui tla a chhanchhuah avangin pek a ni.

6. Tawng hmasawnna atana thawhhlawkte hnena hlan thin Bhasha Samman award chu Pu R. Lalrawna leh Pu Rozama Chawngthu-te hnenah hlan a ni.

7. Aizawl District AIDS Prevention and Control Committee chu vawiin khan Aizawl DC Conference Hall-ah 'IEC Campaign on India Fight against HIV/AIDS and STIs' kalpui dan tur relin an thukhawm.

8. Mizoram Youth Commission leh D&C Coaching tangkawp chuan vawiin khan Mizo thalai hna zawng mekte tan Writing Skills-ah One-Day Workshop a buatsaih.

9. Aizawl Wildlife Division-in a chhinchhiah danin August thla chhung hian Aizawl District-ah rampawn atanga lakluh ramsa leh sava vulh leh khawi 30 chhinchhiah a ni tawh.

10. CID Crime hnuaia Special Narcotics PS leh 2nd Assam Rifles team te chuan Bawngkawn Aizawl area-ah nimin khan beihpui thlakin Methamphetamine Kg 9.726, Cheng vbc 1, nuai 26, sing 4 sang 3, 800 hu an man.

11. Prime Minister Narendra Modi an Vadhvan lawng chawlhhmun sak tur chu ram hmasawnna atan a la tangkai tur thu a sawi.

12. Prime Minister Narendra Modi an naktuk khian biak hmuh theihna kaltlangin India siam khualzin phur rel Vande Bharat pathum a vailiam dawn.

13. Vice President Jagdeep Dhankhar chuan ram tih hmasawnna kawngah ramchhunga hmeichhiate an tel ve loh chuan India chu ram hmasawn (develop country) a ni thei dawn lo a ni, ti.

14. Ramri chungchangah India leh China te a tum 31 nan an inbia.

15. Jammu & Kashmir-ah Enforcement agency ten inthlan vuakvetah pawisa fai, drug leh zu cheng vbc 5 chuang hu an man tawh.

16. Prime Minister Narendra Modi chu Pakistan in Shanghai Cooperation Organisation thutkhawm a tel turin a sawm.

17. Thlipui Typhoon Shanshan avangin Japan-ah mi 4 an thi a, mi 80 chuang an hliam.


Follow DD Mizoram:
  / ddnewsmizoram  
  / ddnews_mizoram  
  / ddnewsmizoram