Скачать или смотреть 1239)विजयादशमी २५ | Arvind P Patil

🕉👏श्री सद्गुरुकृपा -(प्र. १२३९ दि. २/१०/२५ ) आपल्या
श्री काडसिद्धेश्वर संप्रदाय परंपरे प्रमाणे आज श्री दासबोध ग्रन्थ समाप्ति असल्याने आपण काही गोष्टी समजून घेणार आहोत.
विमलब्रह्म निरुपण हा शेवटला समास मी समोर ठेवला आहे. मनुष्य शरीर धारण करुन आल्यावर आपल्याला स्वतःचे
ज्ञान व्हायला पाहिजे. त्यासाठी आपण श्री काडसिद्धेश्वर महाराजांना शरण आलो. त्यांना आपल्याला सकालच्या काकड आरती पासून पालण्या पर्यंत नित्य नियमावली लावून दिली. दासबोध ग्रंथाच्या पहिल्या समासापासून विमल ब्रह्म निरुपण पर्यंत सगल्या गोष्टी समजावल्या. सद्‌गुरु ला शरण गेल्यावर ते महावाक्याचा बोध करतात. ऐक शिष्या येथींचे वर्म स्वये तुची आहेसी ब्रह्म । जीवात्मा अनादि आहे. तो सुरुवाती पासून स्वतःला देहात्मा समजतो. नंतर तो जीवात्मा समजतो आणि शेवटी परमात्मा समजतो. हे झाले शुद्ध ज्ञान. पक्षी आकाशात झेंप घेतो, परंतु सर्वत्र परब्रह्म च असते. पिंड
ब्रह्मांड निरास करुन त्याचे ऐक्य प्रतिपादन केले. आपल्याला ज्ञान झाले आहे. त्याचा निश्चय होण्यासाठी आता निदिध्यासन होणे आवश्यक आहे. आता पर्यंत जी साधने केली त्याचे फळ प्राप्त झाले. निर्गुण ब्रह्म मीच आहे हे ज्ञान झाले. माझा जन्म झाला हे पहिले स्वप्न आणि मी संसार करतोय हे दुसरे स्वप्न. शुद्ध ज्ञान होताच दोन्ही स्वप्न संपली.
आता आपल्या मधिल अहंकार आणि ममकार कमी व्हायला पाहिजे. यासाठी सतत अनुसंधान. आपण आपट्याचे पान सोन म्हणून देतो, आपल्याला सोन कळल पाहिजे. मगच ते
लुटता येत. संपूर्ण दृश्य जगताच अधिष्ठान आहे चिन्मय परमात्मा.
पहिल्या दिवशी आपण घटस्थापना केली, म्हणजे मी आत्मा आहे, हा निश्चय केला. सद्‌गुरु ने तत्त्वमसि महावाक्य
बोध केला. आपण ज्ञान पेरल त्याला श्रद्धा भक्ति ने पाणी घातल. ज्ञानाच पीक आल. आता त्याला भक्ति म्हणतात. आता आपण एकच समजायच, मी आत्मा आहे आणि दृष्य जगत हे अनात्मा आहे, मिथ्या आहे. संसाराला सुरुवात होते
राग द्वेषाने. कर्मयोगी म्हणून राग द्वेष डायलुट व्हायला पाहिजे.
ज्ञानयोगी म्हणून अहंकार आणि ममकार डायलुट व्हायला पाहिजे.
मी हे सार सातत्याने प्रवचनाच्या माध्यमातून का करतो ? का सांगतो ?
सद्‌गुरु आज्ञा आणि माझा अभ्यास. या दसर्याच्या निमित्ताने
सगळ्यांना खूप खूप शुभेच्छा ! मी आत्मा आहे । हाच निश्चय करा, त्यासाठी लागणारे शक्ति सामर्थ्य प्राप्त व्हावे हीच
सद्‌गुरु माऊली ला प्रार्थना 🙏 जय काडसिद्ध 👏