Скачать или смотреть देववाणीं वेदवाणीं मातरम्

देववाणीं वेदवाणीं मातरं वन्दामहे ।
चिरनवीनां चिरपुराणीं सादरं वन्दामहे ॥ध्रु॥

दिव्यसंस्कृतिरक्षणार्थं तत्परा भुवने भ्रमन्तः
लोकजागरणाय सिद्धास्सङ्घटनमन्त्रं जपन्तः
कृतिपरा लक्ष्यैकनिष्ठा भारतं सेवामहे ॥१॥

भेदभावनिवारणार्थं बन्धुतामनुभावयेम
कर्मणा मनसा च वचसा मातृवन्दनमाचरेम
कीर्तिधनपदकामनाभिर्विरहिता मोदामहे ॥२॥

संस्कृतेर्विमुखं समाजं जीवनेन शिक्षयेम
मनुकुलादर्शं समन्तात् पालयित्वा दर्शयेम
जीवनं संस्कृतहितार्थं स्वर्पितं मन्यामहे ॥३॥

वयमसाध्यं लक्ष्यमेतत् संस्कृतेन साधयन्तः
त्यागधैर्यसमर्पणेन नवलमितिहासं लिखन्तः
जन्मभूमिसमर्चनार्थं सर्वतः स्पन्दामहे ॥४॥

भारताः सोदराः सर्वे भावमेतं हृदि विदधत:
वयं संस्कृतसाधका इह सज्जिता नैजं विहाय
परमवैभवसाधनार्थं वरमहो याचामहे ॥५॥

देववाणीं वेदवाणीं मातरं वन्दामहे
चिरनवीनां चिरपुराणीं सादरं वन्दामहे ॥

#संस्कृतगीतम् #संस्कृतगीतानि #संस्कृतम् #sanskrit #sanskritsong
#newsong #oldisgold
#भागीरथी #online_sanskrit_pathasala