ဖုန်ကန်ရာဇီ ရေခဲတောင်ထိပ်ဆီ [အပိုင်း - ၂] | Up To the Top of Phong Kan Razi Glacier [Episode - 2]

ဖုန်ကန်ရာဇီ ရေခဲတောင် ဟာ ကချင်ပြည်နယ် မြောက်ပိုင်း မချမ်းဘော၊ ပူတာအို နဲ့ နောင်မွန်းမြို့နယ်တွေအတွင်းမှာ တည်ရှိနေတဲ့ အမြင့်ပေ ၁၁၉၀၀ ကျော်ရှိတဲ့ တောင်ဖြစ်ပါတယ်။ ဒီဝန်းကျင်မှာ​ ရှိတဲ့ရေခဲတောင်တွေမှာ တက်ရအလွယ်ကူဆုံး လို့လည်း ပြောကြတဲ့အထိ ရေခဲတောင်တက်ဝါသနာရှင်တွေဟာ ဒီတောင်ကို ပထမဆုံး ရွေးချယ်မှုအဖြစ် တက်ရောက်ကြလေ့ရှိပါတယ်။ ဒီနေ့ခရီးစဉ်အပိုင်းမှာတော့ ကျွန်တော်တို့ဟာ တောင်ခြေရွာ ဇီယာဒမ်း မှာ တစ်ညတာ အိပ်စက်ပြီး မနက်စောစော တောင်တက်ခရီးစဉ် စခဲ့ကြပုံတွေကို တင်ပြထားပါတယ်။ ချောင်းဆုံ စခန်းမှာ နေ့လည်တစ်ထောက်နားပြီး အောက်သစ်ပင်ကြီး စခန်းမှာ ညအိပ်ခဲ့ကြပါတယ်။ မိုးက သည်းသည်းမည်းမည်း ရွာချလိုက်သေးတာမို့ တောင်တက်ဖို့က ပုံမှန်အခြေအနေထက် ပိုမိုခက်ခဲသွားသလို ရှိပါတယ်။

ဖုန်ကန်ရေခဲတောင် တက်ဖို့ စိတ်ဝင်စားသူတွေ၊ တောင်တက်ခရီးအကြောင်း လေ့လာလိုသူတွေအတွက် ကျွန်တော်ကိုယ်တိုင် ဖုန်ကန်တောင်တက်ရင်း ကြုံခဲ့သမျှကို အရှိအတိုင်း ရိုက်ကူးထားတဲ့ ဖုန်ကန်ခရီးစဉ်ကို တင်ဆက်လိုက်ပါတယ်။ တောင်တက်ခရီးစဉ်ဟာ ရက်ရှည်တဲ့အတွက် တစ်ပိုင်းတည်း တင်ဆက်ဖို့ ခက်ခဲတာမို့ Series အနေ အပိုင်းလိုက် တင်ဆက်ပေးလိုက်ပါတယ်ခင်ဗျာ။ ခရီးစဉ်အတွက် လိုအပ်တာတွေကို ဒီဗီဒီယိုတွေကြည့်ရင်း ခန့်မှန်းတွက်ဆနိုင်မယ်လို့ ယုံကြည်ပါတယ်။

အခု အပိုင်း (၂) မှာတော့ တောင်ခြေရွာ ဇီယာဒမ်း ကနေ တောင်ပေါ်တက်ရင်း အောက်သစ်ပင်ကြီးစခန်းထိ သွားလာခဲ့တဲ့အတွေ့အကြုံတွေကို တင်ဆက်ထားပါတယ်ခင်ဗျာ။

အားလုံးပဲ အမြဲ ဘေးကင်း ကျန်းမာ ရွှင်လန်းကြပါစေ...
သီဟလုလင် (Thiha, the Traveller)