Tavë me fileto pule, kërpudha dhe pure patate nga zonja Vjollca

Tavë me fileto pule, kërpudha dhe pure patate
Përbërësit:
500 gr patate
500 gr fileto pule
300 gr kërpudha ( champignon)
1 qepë
1 lugë gjelle miell
kripë dhe piper të zi
400 ml qumësht
150 gr djath pice
pak vaj ulliri
pak piper djegës i copëtuar
Përgatitja:
Së pari, lajmë patatet dhe I vendosim për të zjerë të plota për 25-30 minuta. Presim fileton e pulës në kubikë mesatar dhe me pak vaj I skuqim për 10-15 minuta dhe I largojmë nga tigani. Në po atë tigan kaurdisim kërpudhat dhe më pas qepën të grirë hollë për 10-15 minuta. Shtojmë tek qepa dhe kërpudhat, 8 lugë gjelle miell, kripë dhe piper të zi e përziejmë miellin për 1 minutë dhe shtojmë në tigan kubikët e filetos së pulës, I trazojmë dhe I shuajmë me qumësht e lëmë të marrë valë dhe e largojmë nga zjarri. Në një tavë qeramike shtojmë si bazë të gjithë cka gatuam në tigan e nivelojmë dhe e mbulojmë komplet sipërfaqen me djath pice të grirë trashë. Mbi djathë grijmë në rende nga ana më e trashë patatet e zjera dhe përsëri mbulojmë komplet sipërfaqen e tavës mbi djathë e spërkasim me pak kripë dhe spec pikant në copëza. Vendosim tavën në furrë në temperaturë 180 gradë Celsius për 30 minuta. Pasi e nxjerrim nga furra e lëmë të bjerë temperatura dhe e servirim si pastiçe të shoqëruar me sallatë.