Скачать или смотреть جمايل الثوري | مهداه إلى رجل الاعمال: فرج بن نوار الثوري| كلمات : فالح ابوعضيده| اداء: خالد ال بريك|

ياللي تجي ضيدان ابن قضعان سلمني عليه
تسليمة آمير مسلم له على اصحاب اومرا

قل له ترى لي مدةٍ ما ذقت شي مشتهيه
لو مالحقني من ظروف الوقت جور ولا زرى

ماهوب انا اللي حدته بقعاء على اللي مايبيه
انا سبيعيٍ تجود في وثيقات العرى

والشاعر اللي ياخذ افكار الشعر من ما يليه
لا يزعل اليا من تعداه القطار ولا درى

لو جاب له خمسين بيت وقام هجسه يحتديه
ايوفوقها مني ثلاث ابيات وعيونه ترى

حتى لو العب معه في البيلوت لا اوريك فيه
لو في يده خمسين ما يفرش وانا عندي سرى

الله يعين اللي يحاول في اهدفه وازرى يجيه
يتل عزمه والظروف الصعبه اتلّه ورى

الرجل لجل الماقف الغصاب يبذل مالديه
وان ماقدر ترفع له البيضا على قمة كرى

ياحي راس اللي يشوف الطيب ثالث والديه
رفيقنا اللي نفخر بطاريه لا منه طرى

اللي مثل شروى فرج والله مانقعد نحتريه
انجيه قبل ينبّنا والذرب عرفه ينشرى

هذا الجنيه اللي لو يدور الزمن يبقى جنيه
ايقدرونه ربع واجناب وعواني وقصرا

ترحيبته بالضيف ماهي همس حوّافٍ نبيه
لا سمعها اللي دوب هسّت عينه ايعاف الكرى

جمايل الثوري مع الاجناب والا مع ذويه
لو جيت اعددها بلشت وطرف الليل وسرى

ماهيب اقل امن الرقوم اللي على راحة يديه
يشهد عليها ارواه واعيان ومشايخ واشعرا

مافيه خصله من خصال المرجله ماهيب فيه
ايسطر الامجاد ويماري ليا حان المرا

لا طروا سلالة بني ثور اعتزيت وقلت هيه
ذولا الجبال اللي على الخايف لها كن وذرا

يافيصل ابن هليمه ربعك طليقين الوجيه
اتهيب اللي ما يهاب وتنطح القوم جهرا

ارم العمامه واصدح بصوتك وسو اللي تبيه
اللي هذولا عيال عمه يضوي بحم الذرا

واللي مايفعل فعلهم وقت اللقاء لا تحتسيه
للمعضله والساعه الحرجه وردات البرى

ياعزوة الاد الوجيرب مجدكم ماله شبيه
ياحضنا ما دامنا ف نهاية الاسم اخشرى

حنا جنود معزي وجلابة الراي الوجيه
نقولها ونعيدها واحد سمع واحد قرى

واللي مايفقه ودك انه حول مشروع الفقيه
يجهل مواقيف الرجال اللي عليها ما ظرى

في سلومنا ما نسفه الطيب ولا نشاور سفيه
اشوارنا ف ازوارنا منا بنحتاج اشورا

سبيع مثل طويق والتاريخ متراكٍ عليه
لو مانبره والله ان يبطي وجرحه ما برى