Скачать или смотреть အရှိကို

“သဒ္ဓါနှင့်ပညာ”

မြတ်စွာဘုရားရှင်က သာသနာတော်မှာ သဒ္ဓါ (ယုံကြည်မှု) နဲ့ ပညာ (အသိဉာဏ်) ဟာ ငှက်တစ်ကောင်ရဲ့ တောင်ပံနှစ်ဖက်လို၊ နွားလှည်းတစ်စီးရဲ့ ဘီးနှစ်ဘက်လို ဟန်ချက်ညီညီ ရှိနေဖို့ အလွန်အရေးကြီးကြောင်း အဖန်တလဲလဲ ဟောကြားတော်မူခဲ့ပါတယ်။

အထူးသဖြင့် ဣန္ဒြေငါးပါး တရားမှာ သဒ္ဓါနဲ့ ပညာ ညီမျှဖို့ လိုအပ်ပုံကိုဟောကြားထားပါတယ်-
သဒ္ဓါလွန်လျှင် "မုဒ္ဓါ" ဖြစ်တတ်သည်။ ပညာမပါဘဲ သဒ္ဓါတရား လွန်ကဲနေရင် အစွဲအလမ်းကြီးခြင်း၊ အကန်းယုံ ယုံကြည်ခြင်းနဲ့ လမ်းမှားရောက်လွယ်ခြင်း (မုဒ္ဓပ္ပသန္န) ဖြစ်တတ်ပါတယ်။

ပညာလွန်လျှင် "ကေဋုဘ" ဖြစ်တတ်သည်။ သဒ္ဓါမ
ပါဘဲ ပညာ (သုတ) ပဲ လွန်ကဲနေရင် စာပေဗဟုသုတနဲ့ ဝေဖန်ဖို့ပဲ စိတ်အားထက်သန်ပြီး၊ မာန်မာနတက်ခြင်း၊ ကောက်ကျစ်စဉ်းလဲခြင်းနဲ့ လက်တွေ့ကျင့်ကြံဖို့ ဝန်လေးခြင်း (ကေဋုဘ) ဖြစ်တတ်ပါတယ်။
ပရိယတ္တိ လေ့လာ၊ နာကြားခြင်း၊ သမ္မာဒိဋ္ဌိဥာဏ်
အမြင်ဖြင့် ဝေဖန်သုံးသပ်နိုင်စွမ်းမရှိသူ သန္တာန်မှာ
ရတနာသုံးပါးအပေါ် သဒ္ဓါအစစ်အမှန် ဖြစ်ပေါ်ဖို့ရာ ခဲယဉ်းတတ်ပါတယ်။

မြတ်စွာဘုရားရှင်က သဒ္ဓါနဲ့ ပညာ ညီမျှပုံကို "ရွှေပန်းထိမ်ဆရာ" တစ်ဦးနဲ့ ဥပမာပေးပါတယ်။ရွှေပန်းထိမ်ဆရာဟာ ရွှေကို အရည်ကျိုတဲ့အခါ မီးကိုပဲ တောက်လျှောက်ပေးနေရင် (သဒ္ဓါလွန်ရင်) ရွှေဟာ လောင်ကျွမ်းသွားပါလိမ့်မယ်။

ရေကိုပဲ တောက်လျှောက်လောင်းနေရင် (ပညာလွန် စဉ်းစားဝေဖန်လွန်းရင်) ရွှေဟာ အေးခဲသွားပါလိမ့်မယ်။
မီးပေးလိုက်၊ ရေဖျန်းလိုက်နဲ့ မျှတအောင် လုပ်မှသာ လိုချင်တဲ့ ရွှေထည်ပစ္စည်းကို ရရှိသလိုပဲ၊ သဒ္ဓါနဲ့ ပညာ မျှတမှသာ "မဂ်ဉာဏ်၊ ဖိုလ်ဉာဏ်" ကို ရရှိနိုင်တာလို့ သဘောရပါတယ်။

ဘုရားရှင်ရဲ့ လမ်းညွှန်ချက်က
"သဒ္ဓါနဲ့ ပညာကို ညီမျှအောင် ထားရမယ်။ သဒ္ဓါက ရှေ့ဆောင်ပြီး ပညာက နောက်က ထိန်းကျောင်းပေးရမယ်။"
သဒ္ဓါ ရဲ့ တာဝန်က "သက်ဝင်ယုံကြည်ခြင်း" ဖြစ်ပါတယ်။ တရားလမ်းကြောင်းပေါ် စတင်လျှောက်လှမ်းဖို့ ခွန်အားပေးတာပါ။
ပညာ ရဲ့ တာဝန်က "အမှန်အတိုင်း မြင်ခြင်း" ဖြစ်ပါတယ်။ လမ်းကြောင်းမှန်၊ မမှန် ဆင်ခြင်ပေးတာပါ။

#ဖားအောက်ဆရာတော်ကြီးဩဝါဒများ နဲ့ နာယူခဲ့တဲ့တရားတော်တွေထဲ #ပညာ_သဒ္ဓါညီမျှရေး
ဟောထားတာများစွာတွေ့ရပါတယ်။ တရားတော်တွေကို လေ့လာတဲ့အခါ အနှစ်သာရပေါ်အောင် ပြန်လည်ရေးသား၊ မှတ်သားနိုင်ဖို့ ပါဠိစာပေ၊ ဗဟုတုတ၊ အရေးအသားစတဲ့အကြောင်းတွေမှာ ကျွမ်းကျင်လိမ္မာမှုသည် အကန့်အသတ်များစွာရှိပါတယ်။ သတ်ပုံ သဒ္ဒါမှအပ ထင်ရှားတဲ့ အလွဲအမှား၊ အမှားအယွင်းရှိခဲ့ရင် ပညာရှိ သူတော်ကောင်းများ မေတ္တာဖြင့် ပြုပြင်ပေးကြပါ။

#ဖားအောက်တောရဆရာတော်ကြီး ရဟန်းသံဃာတော်တွေကို ဖြေကြားထားတဲ့ လမ်းညွှန်ဩဝါဒတွေကို လေ့လာကြည့်တဲ့အခါ တရားချစ်ခင်ယောဂီများ၊ ဘုရားရှင်ရဲ့ဓမ္မဝိနယသာသနာကို မှန်ကန်တဲ့သဒ္ဓါစိတ်နဲ့ လေ့လာလိုသူတွေ အကျိုးရှိကောင်းရှိနိုင်တဲ့အတွက် (ကောက်နုတ်) ပူဇော်လိုက်ပါတယ်။

‪@DhammaUK‬