#ព្រះបន្ទូលនៃសេចក្ដីពិតសម្រាប់ថ្ងៃសុក្រ

#ចំណងជើងវីដេអូ៖ «ជីវិតមិនធម្មតា» An Extraordinary Life

#រៀបរៀងឡើងដោយ Pastor Chris

#ព្រះបន្ទូលនៃសេចក្ដីពិតសម្រាប់ថ្ងៃសុក្រ ទី១៦ ខែសីហា ឆ្នាំ២០២៤។

«ជីវិតមិនធម្មតា» An Extraordinary Life

#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»

«នោះ​គេ​មាន​សេចក្ដី​ស្ញែង​ខ្លាច​ជា​ខ្លាំង ទាំង​សួរ​គ្នា​ទៅ​វិញ​ទៅ​មក​ថា ដូច្នេះ តើ​លោក​នេះ​ជា​អ្វី បាន​ជា​ខ្យល់ នឹង​សមុទ្រ​ក៏​ស្តាប់​បង្គាប់​លោក​ដូច្នេះ» (ម៉ាកុស ៤:៤១)។

ព្រះយេស៊ូវមិនត្រឹមតែមានជីវិតដ៏អស្ចារ្យ ដោយការអស្ចារ្យនោះទេ ពេលទ្រង់គង់នៅលើផែនដី សូម្បីតែការសុគត ការកប់ និងការរស់ឡើងវិញរបស់ទ្រង់គឺអស្ចារ្យណាស់។ ជាធម្មតាវាត្រូវចំណាយពេលយ៉ាងហោចណាស់ដប់បីម៉ោង សម្រាប់មនុស្សម្នាក់ដែលត្រូវគេឆ្កាងដល់ស្លាប់។ ប៉ុន្តែនៅពេលដែលព្រះយេស៊ូវត្រូវបានគេឆ្កាង ទ្រង់បានបង្គាប់ការសុគតរបស់ទ្រង់ បន្ទាប់ពីប្រាំមួយម៉ោង។

នៅលើឈើឆ្កាង ព្រះគម្ពីរប្រាប់ថា ទ្រង់បានបន្លឺសំឡេងខ្លាំងៗទៅកាន់ព្រះវរបិតា ហើយមានបន្ទូលថា «...ឱ​ព្រះវរ‌បិតា​អើយ ទូលបង្គំ​សូម​ប្រគល់​វិញ្ញាណ​ដល់​ព្រះ‌ហស្ត​ទ្រង់​វិញ កាល​មាន​បន្ទូល​ពាក្យ​ទាំង​នេះ​រួច​ហើយ នោះ​ទ្រង់​ផុត​ដង្ហើម​ទៅ» (លូកា ២៣:៤៦)។ ពេល​ទ្រង់​មាន​បន្ទូល​ពាក្យ​ទាំង​នោះហើយ ទ្រង់​បាន​ដោះលែង​វិញ្ញាណ​ទ្រង់​ឲ្យ​សុគត់។

ដើម្បី​បញ្ជាក់​ថា​ទ្រង់​ពិត​ជា​បាន​សោយ​ទិវង្គត​ឬ​យ៉ាង​ណា ទាហាន​ម្នាក់​បាន​យក​លំពែង​មក​ចាក់នៅ​ចំហៀង​ទ្រង់។ ជាការ​ភ្ញាក់ផ្អើល​ដល់​ទាហាន និង​ពួក​សាសន៍​យូដា ដែល​កំពុង​មើល ឈាម​ប្រឡាក់​ដោយ​ទឹក ដែល​បង្ហាញ​ថា​បេះដូង​របស់​ទ្រង់​បាន​ប្រេះ​បែក។ ពួក​គេ​តក់ស្លុត​ដែល​ទ្រង់​បាន​សុគត​ក្នុង​ចន្លោះ​ពេល​នោះ។

ការរស់ឡើងវិញរបស់ទ្រង់ក៏អស្ចារ្យដែរ។ តាមការស្នើសុំរបស់មេដឹកនាំសាសន៍យូដា សាសន៍រ៉ូមបានបិទផ្នូរដែលព្រះយេស៊ូវ ដែលត្រូវបានកប់ដោយថ្មធំមួយ ហើយចាត់ទាហានប្រដាប់អាវុធឱ្យមើលផ្នូរទៀត។

នៅ​ថ្ងៃ​ទី​បី មាន​ទេវតា​មួយ​អង្គ​ភ្លឺ​ដូច​ព្រះអាទិត្យ​ចុះ​ពី​លើ​មេឃមក។ ទេវតា​នោះបាន​រំកិល​ថ្ម​ធំ​ចេញ​ ទៅ​អង្គុយ​លើ​ថ្ម ហើយ​ព្រះ‌យេស៊ូ​វក៏យាង​ចេញ​ពី​ផ្នូរ​យ៉ាង​រុងរឿង។ ហាលេលូយ៉ា! ក្រោយ​មក ទ្រង់​គង់​ជាមួយ​ពួក​សិស្ស​របស់​ទ្រង់​ អស់​រយៈ​ពេល​សែសិប​ថ្ងៃ​សែសិប​យប់ទៀត។

នៅ​ថ្ងៃ​ដែល​ទ្រង់​ត្រូវ​ចាក​ចេញ ទ្រង់​មិន​បាន​បាត់​ខ្លួន​ភ្លាមៗ​ទេ។ ពេល​កំពុង​មានបន្ទូលជា​មួយ​ពួក​សិស្ស​របស់​ទ្រង់ ហើយ​ផ្តល់​ការ​ណែនាំ​ដល់​ពួក​គេ ទ្រង់​បានឡើង​ពី​ដី ដោយ​ប្រឆាំង​នឹង​ច្បាប់​ទំនាញ​ផែនដី។ ពួក​សិស្ស​របស់​ទ្រង់ ​បាន​មើល​ដោយ​ការ​ងឿង​ឆ្ងល់​ជា​ខ្លាំង ខណៈ​ដែល​ទ្រង់​បន្ត​ឡើង​លើ រហូត​ដល់​ទ្រង់​យាង​ទៅ​ក្នុង​ពពក​ទាំង​ស្រុង។ នេះជាពេលដ៏អស្ចារ្យបំផុតមួយ។

ព្រះ​គម្ពីរ​ចែង​ថា​ថ្ងៃ​មួយ ហើយ​មិន​យូរប៉ុន្មាន​ទេ ព្រះយេស៊ូវ​ដដែល​នេះ ​នឹង​យាង​មក​ម្ដង​ទៀត​ក្នុង​លក្ខណៈ​ដ៏​អស្ចារ្យ ហើយ​ពិភពលោក​ទាំង​មូល​ នឹង​ឃើញ​ទ្រង់។ ថ្ងៃនោះនឹងមានភាពរុងរឿងណាស់។ ហើយ​យើង​ទាំង​អស់​គ្នា​ កំពុង​ត្រៀម​ខ្លួន​សម្រាប់​ការ​វិល​ត្រឡប់​មក​វិញរបស់ទ្រង់​ក្នុង​ពេល​ឆាប់ៗ​នេះ។

ទ្រង់​បាន​ហៅ​យើង ​ទៅ​កាន់​ជីវិត​ដ៏​អស្ចារ្យ​មួយ​នៃ​សិរីល្អ ហើយ​ចង់​ឱ្យ​យើង​ធ្វើ​ឱ្យ​ជីវិត​នៃ​ឧត្តមភាព និង​ព្រះគុណ​នេះបាន​ស្គាល់​ដល់​អ្នក​ដទៃ ហើយ​រៀបចំ​ពួកគេ​ សម្រាប់​ការ​ត្រឡប់​មក​វិញ​ដ៏​រុងរឿង​របស់​ទ្រង់ផងដែរ។

#សេចក្ដីអធិស្ឋាន
ឱព្រះអម្ចាស់យេស៊ូវអើយ សូមអរព្រះគុណទ្រង់ សម្រាប់ជីវិតដ៏វិសេសវិសាលនៃការអស្ចារ្យ អំណាច និងសិរីល្អដែលយើងមាននៅក្នុងទ្រង់។ សូមអរព្រះគុណ សម្រាប់ការធ្វើឱ្យកូនជាភាជនៈមួយ ដើម្បីផ្សព្វផ្សាយសារនៃសេចក្ដីសង្គ្រោះ និងរៀបចំដួងចិត្តរបស់មនុស្ស សម្រាប់ការត្រឡប់មកវិញឆាប់ៗនេះរបស់ទ្រង់។ អេមែន! សូមព្រះប្រទានពរ!

#ការសិក្សាបន្ថែម៖ ម៉ាថាយ ២៧:៥០​-​៥៤ និង កិច្ចការ ១:១០-១១ (ការកើតជាថ្មីកម្ពុជា)