سنين كثار ٢٠٢١

كذا يعني جزا المعروف ؟
سنين كثار
أظن أصحابي أكثرهم
هم الوافين
حسافة اليوم..
بعد عِشرة
بكى جرحي من السّكين !
بكى من وسوسات الخوف

كذا يعني جزا المعروف ؟
أدوّر في وجيه الناس
أبي ألقى وجه مألوف

صديقٍ راح ..
عادي راح
ولكن يترك بصدري بقايا جراح

احب أغيييب
عن عيون الأوادم
لأن الغياب ارحم من التعذيب !

أحب الصمت
لأن الكلام أحيان يصبح عيب !

تعبت اساير همومي
انا التعبان من يومي
ذبل قلبي مع عيني
من الصدمة، ذبل أقوى شراييني

تقول ظروف؟
وتكذّب !!
على انسان ماخانك
يجيك بضحكته ملهوف؟
تقول ظروف؟
تتعذّر !!
على اللي خنته وصانك
كذا يعني جزا المعروف ؟

ابيك تشوف
قبل ألقاك
ليت القلب ما يهواك ..
قبل يطلع عليّ النور
ترى هذا الزمن بيدوووور
وترجع بعد هالغيبة
وتلقى منّي الخيبة !
أنا ماعاد احتاجك
ولا احتاج منك شعور
كذا يعني جزا المعروف ؟
تخلّيني مع الوِحدة
ولوني باهت ومخطوف

كلمات اداء نوح حسين